Assam ram chung ah um mi Luvar pawl hi an tamtuk hringhran caah Assam acoyah nih Population Army cu Luvar pawl tamnak hmun ah a dirter cang lai tiah,

Assam acoyah nih cun state chung ah Luvar/Muslim tamnak hmun ah minung akar ning atamtuk caah, akar lo nak hnga venter ding in “Population Army” dirter asi lai tiah Assam Chief Minister Himanta Biswa Sarma nih a chim, mah ‘Population Army’ caah hin Mino hna 1,000 hrawng riantuantu ding ah lak asi lai, mah hna nih hin mipi sin ah population control kong hi cawnternak pek asi lai, fa hrin kho lonak si/medicine pek tawn asi lai ati.

Mah kong ah hin Assembly ah Congress MLA Sherman Ali Ahmed bia halnak cu atu bantuk in CM nih a leh mi asi, an state chung ah thlang lei le alai hrawng ah hin Luvar hna hi an karh ngai ngai caah, atu bantuk in thil kalpi asi long long ah state athangcho khawh lai ati, CM nih Char-Chapori area chung in mino 1,000 hrawng nih cawnpiaknak an pek lai, cun ASHA worker 10,000 hrawng nih adang tein riantuan asi lai, birth control kong ah mipi an cawnpiak fawn lai ati.

Kum 2001-2011 karlak ah Assam Muslim hna karh ning cu 29% a si lio ah, Hindu karh ning cu 10% long asi, “Kum 1991 ah khan Muslim karh tam ning cu 34% asi, Hindu cu 19% aai, 1991-2001 karlak ah Muslim karhnak cu 29%-ah, Hindu karhnak cu 16% ah asi tiah CM nih ati, Minung karh tamtuk vennak ding ah hmalaknak hi, Oposition party, Congress le AIUDF hna cu tuanpi ding ah asawm fawn khi asi, Assam-ah Muslim-hna hi sifah retheinak le economy lei ah thancho lonak asi tiah ati.

China ram chung Xinjiang zong ah muslim hna hi minung an karh tuk caah, China nih nau khamhnak si/medicine an pek timi kanrak thei ko cang, US nih Human Right buarnak asi tiah anrak soiselnak zong asi kha mu, Muslim pawl nih hin pa pakhat nih Nupi 7 tiang ngeihkhawhnak dan an ngei caah atu bantuk in vawlei cung ah population tamnak asi, Cun muslim tamnak pohpoh ah hin Economy lei hi asang kho lo, mah caah cun sualnak atam, mithah hmang le mifir an tamnak chan asi.