Atu lio vawlei ah ruahnak abuaitertu bik America ah thil cang mi pakhat cu, Sii phun khat asi mi minung thisen chuak/thisen put far caah an hman bik hna an cawk dih nak kong hi asi,

Atu lio ah lungthin buaitertu thil pakhat cu, Mah thil cang/phan pakhat cu United States nih, radiation sickness drugs sii tha bik an ti mi cu, an zuarnak dawr vialte sin in an cawk piak dih pin ah, an lak dih hna hi asi, US Department of Health and Human Service (HHS) nih $290million man bak, radiation sickness medicine/sii Nplate cu acawk dih khi asi, Mah sii hi blood cell injuries acute radiation syndrome (ARS) minung nih radiation fakpi in atuar nak aphan tawn mi zohkhennak ah hman khawh mi asi.

Minung nih radiation fakpi in an tuar lio ah hin taksa chunglei tiang aphan khawh mi asi, internal organs hna achiatter khawh, ARS hi a phan cawlh khawh khi asi, ARS nih hin thisen khal khawh lo a sersiam (low platelet count) fakpi in thiput/thisen far an timi (internal bleeding) control khawh lo aphan in thihnak tiang aphan khawhtertu khi asi, Nplate hi blood disorder thrombocytopenia, low platelet count ngei/phan tawn zoh khennak ah an hman bik mi sii tha bik cem asi.

Atu US acoyah nih mah Sii tha bik Nplate hi raldoh lio ah an hman bik mi asi bantuk in, Mah ssi an cawk dih pin ah tampi stock an chiah duhnak ah hin thil pakhat alanghter mi cu, Nuclear weapons war ruah lo pi in aphan khawh peng caah, an ram mipi ven le zohkhennak ca ding ah, hi Sii thisen chuak taktuk zohkhennak ding ah an hman tawn mi atu ah, a um mi vial te hna cawk dih in an chiah mi hi, thil tuaktan mi hna nih cun ralpi hi zei tik can ah maw cu achuak ko lai timi hi an zum dih hna cang khi asi.

Moscow-nih lehrul or phuba lak an duh, Ukrainian an lawm ve fawn,

Moscow-nih Crimea-ah governor caah a chiah mi, Sergei Aksyonov nih cun an kal nak bik cem le poimawhtuk mi, bridge thuat asi ruang ah, lehrul/phuba lak an duh ngai tiin achim, mah lio ah hin bridge achiat chung ah hman ding in, thla hnih daih oil an ngeih kong a chim, buainak lian bik cu asi lo ati, Crimean bridge hi Russia caah cun politics lei phun in man angei ngai ko, Crimea hi an ram a si tiah an lannghter nak pakhat asi, Ukraine-nih an uk control nak in mel 100 hrawng hlatnak asi ko hmanh ah, Russian nawlngeitu nih cun, hi bridge hi anrak ven ngai ngai nak kong achim hnu ah atu ah thuat asi ko kha asi.

Russian national anti-terrorism committee nih truck bomb puaktertu le apawng ah tlanglawng/train oil phur akang tel ruang ah khan chiatnak aphan tiin achim, An hlatthlai nak ah Russia chak lei Krasnodar region-ah mi pakhat In/house an check kong an chim, Ukriane nih cun, an ralkap hna arawlh tiah an chim rih lo, nain tuhlan ah Crimea hi anrak thuat tawn cang, Thla hmasa zong ah khan Crimea-ah van lawng in Russian ralkap hmun, Saky military base thuatnak kha an tuah mi asi tiin a chim.

Bridge thuat asi hnu ah khan Ukraine-ah cun social media-ah lawmnak bia post atam ngai ngai, An bank lian bik pahnihnak nih cun, debit card design thar, hlei/bridge cim/chia ruang ah tuah an chuahter cawlh kha asi ve fawn, Ukrainian nawl ngeitu Zelensky- party-ah parliamentary head David Arakhamia nih, “Russian-hna nih ningcang lo in an dirter mi acim/chia fawn hnu ah mei akang lio fawn tiin report ah alanghter fawn khi asi.

Ukraine nih Russia Su-35 an kah tlak piak than,

 

Ukrainians pawl nih Belarus he an karlak bridge vialte hi an bomb chia asi, mines zong lampi ah tampi phum/chiah asi tiah, Anatoly Lappo, chairman of the State Border Committee of Belarus nih cun a chim, Ramri zong ah border guards long chiah lo in, territorial defence force hna an chiah ati, kan ram lei hna hi, boruak lei in akan zoh peng fawn ati, kan karlak boruak hi asang ngai lio ati fawn, cu caah Belarus nih hin Meithalpi le tank hna border lei ah an phur lut ve lio asi, Belarus hi Russia support tu a si, a hmasa zong ah khan Belarus kaltlang in, Ukraine hi thuat arak sic ang, Russia caah hawitha asi ruang ah, Ukraine nih hin anrak iven nak ah tiin bridge hi akah chiat hmasa asi, ral dohnak hi azual chinchin lai timi hi tih anung deuh ko cang.