Breaking news Japan PM hlun Shinzo Abe cu bia achim lio ah ahnu lei in kah asi, akaptu zong an tlaih cawlh,
Breaking news Japan PM hlun Shinzo Abe cu bia achim lio ah ahnu lei in kah asi, akaptu zong an tlaih cawlh,
Nihin Nari khuapi ah Japan ram Japanese PM hlun le lar tuk tawn mi Shinzo Abe (65) cu, bia achim lio ah ahnu lei in kah asi, atluknak ah thisen tampi achuak tiah theih asi, hliamhma hi a fak ngai tiin an chim fawn, a kaptu hi police hna nih tlaih cawlh in, custody ah chiah asi, Zei ruang adah an kah timi theih asirih lo, NHK TV nih cun PM hlun Shinzo Abe hi a bia chim lio ah kah asi in atlu (collapse) cawlh ati, Tokyo Governor hlun Yoichi Masuzoe nih Twitter-ah, Shinzo Abe hi thawchuah lei harsatna (cardiopulmonary arrest) a ngei tiin achim.
BBC News nih cun, Japan ram ah meithal ken hmang in thazang thawhnak hi atam ngai ko cang ati, Japanese PM tuan sau bik rei Shinzo Abe nih hin Liberal Democrat Party caah, tuzar dongh lei parliamentary thimnak um ding campaign ngei asi, mipi hmai ah bia achim lio mi asi, Shinzo Abe hi a lar ngai tawn mi asi, an ram caah economic plan ruang in “Abenomics” tiin arak lar ngai mi kha asi, West ram hna zong asi khawh chung in riantuanpi tu zong asi, “Hawkish Prime Minister” ti tiang in an auh mi asi, foreign policy caktuk in kalpitu zong asi, Japanese conservative party hruaitu lar ngai tawn mi asi, mipi nih an duh ngai lio ah, ngandamnak athattuk lo ruang ah cun, kum 2020 ah khan politics a dintak mi kha asi.
Kum 2007 in PM arak si cang, amah thlentu ding ah Yoshihide Suga thim asi, Shinzo Abe cu “Prince” ti zong in capo bia bantuk in an auh mi khi asi, a pa cu Japanese Foreign Minister tawn mi Shintaro Abe asi, a pu cu PM hlun Nobuduke Kishi a si fawn, an pi le pu a nu le pa tiang Japan ram hi bia tak tein dawtnak he anrak hruai tawn cang mi chungkhar an si, an riantuannak ah hin mipi nih an duh ngai fawn khi asi.
Shinzo Abe nih hin Japanese nationalist policy caktuk in a kalpi le athancho pi ngai ruang ah, an ram pawngkam ah um mi ram hna, China le South Korea he zong boruak tha lo an ngei deng mang tawn khi asi, Kum 2013-ah Ralpi 2nak can lio ah Japanese pasaltha mi raltha thim mi Tokyo hmun ah um mi “Yasukuni Shrine” a va kal cu an soisel ngai hna, Shinzo Abe hi Japan ram caah cun Economic lei ah siseh, ram thanchonak lei ah siseh, Foreign Policy lei ah siseh, hruaitu cak le mi lar arak si, ram tampi hruaitu hna zong hawitha le tuanpitu ah an ngeih khawh dih hna hi asi, apoi ngai ko.