Britain PM le Conservative Leader thar ding icuhnak ah India mi Rishi Sunak nih First Round ah teinak a hmuh/hngah-BBC
Britain PM le Conservative Leader thar ding icuhnak ah India mi Rishi Sunak nih First Round ah teinak a hmuh/hngah-BBC
Britain Prime Minister thar ding le khawkhan lairel lio Party Conservative Leader thimnak ding, Tory leadership vote ngeih peng lio ah hin, Indian chuak Chancellor Rishi Sunak nih first round ah teinak ahmuh, Rishi Sunak nih hin first round ah hin vote 88 a hmuh, Trade Minister Penny Mordaunt cu pahnihnak dirhmun asi 67 votes a hmuh, mah lio ah hin Foreign Secretary Liz Truss nih pathumnak dirhmun ah dir ve in votes 50 a hmuh, cun Chancellor Nadhim Zahawi le former health secretary Jeremy Hunt hna cu, mah race ah hin an tla cang khi asi ve fawn cang.
Prime Minister achuak cang mi Boris Johnson thlentu ding caah, race ngeih lio nak hi, nihin ah hin second round ngeih than ding asi, mah second round result hi theih khawh asi rih lo, UK Prime Minister thar ding le Conservative Leader thar ding hna hi, MP hna nih an thim cuahmah lio asi, hmaizar ah donghnak lei ah hin aho te hna dah MP le Conservative Leader ding asi khawh lai timi cu theih khawh deuh asi ko cang lai, Prime Minister thar ding hi September 5.2022 ah phuan a si lai.
Atu first round race ngeih cangnak ah Mr Hunt le Mr Zahawi hna hi, aho lei deuh ah dah mer deuh lai timi theih khawh asi lo, atu race ngeih than cuahmah lio ah hin minung 6 hna hi icuh cuahmah lio khi an si, mah minung 6 hna nih hin race in atla cang supportnak hi an hmuh khawh ding ah biapi ngai khi asi fawn, mah lio ah hin a tla cang mi former health secretary Jeremy Hunt nih Rishi Sunak cu a support lai tiah a achim cang, Chancellor Nadhim Zahawi nih aho dah a support zlai timi achim rih lo, nain a hawi hna vialte cu duhsaknak a pek ko tiah achim.
Rishi Sunak hi a nu le pa hna cu Indian an si, Ni 12 May 1980 ah khan Southampton khua ah arak chuak mi asi, a pa hi Yashvir asi, a nu hi Usha Sunak a si, unau pathum an si, amah Rishi Sunak hi upa bi kasi, Rishi Sunal nih hin 2019 to 2020 ah khan Chief Secretary to the Treasury ah arak tuan cang mi asi, cun 2020 to 2022 ah Chancellor of the Exchequer siin, Conservative Party MP a si, kum 2015 ah khan Richmond (Yorks) in MP ah thim tlin mi asi.