Chin ram thlanglei Matupi le Mindat karlak ah CDF+CNA le Kawl ralhrang hna an idohnak ah Officer pakhat le ralkap pahra nunnak aliam,

Chin ram thlanglei Matupi le Mindat karlak ah CDF+CNA le Kawl ralhrang hna an idohnak ah Officer pakhat le ralkap pahra nunnak aliam tiah thei asi, CDF lei ah pasal tha pathum hna nunnak aliam ve tiah CDF hruaitu pakhat sin in theih asi.

Nizan 30.7.2021 Friday ah khan CDF-Matupi le CNA pasal tha hna he Myanmar Military Council pawl idoh kahnak ah, Military lei commanding officer pakhat le ralkap 10 athi tiah thei asi, an ikahnak hmun hi Matupi le Mindat karlak mile 73 nak ah asi, Officer pa hi Lt.Col. Zaw Zaw asi tiah CDF in thawng theih asi.


CDF lei miphun ralkap asi mi Mindat CDF in Salai Hatun, Salai Than Ching Sang le Salai Thang Kung hna cu ram caah martyr arak si ve, Chin State chung ah Mindat+Matupi khua pasal tha hna hi vawlei cung ah, mi raltha tiah anrak lar ve cang khi asi, An meithal ken mi hna cu, lai ser meithal le ulbun hna he an doh/kah mi asi.

Military council ralkap tampi kulh dih in tampi an thi hna ruang ah, An hmunpi in ralkap dang hna cu helocopter le vanlawng hna hmang in arak chiahchih hna, heavy hriamnam le acung lei in Helicopter le Jet fighter hna he anrak kah zong ah CDF hna hi an zam lo ral tha ngai in anthuat ve ko upat tlak an si.


Atu ah hin Matupi CDF lei nih methal kuan hi kan ngei tuk lem tilo, meithal kuan hi tam selaw duh tawk in kan kap ve khawh ko lai, meithal kuan kan ngeih tam lo caah, duh ning in kan kah kho lo deuh khi asi tiah CDF lei hruaitu pakhat sin in thawng theih asi.