China le Taiwan, karlak ah hin ruah lopi in ithuat/dohnak ding ah can a nai chinchin than cang khamh khawh ding ah aho hmanh an um ti lo,

China nih Taiwan invasion hi boruak umtu ning le thil akal cuah mah zoh ah hin ithuat/doh hi anai deuh deuh cang fawn, August ah House Speaker Nancy Pelosi nih Taiwan tlawng/visit a tim tiah an theih hnu ah, Beijing ruah ning a lonh bak cang tiin arak phuang cawlh kha asi, Financial Times report ah Foreign Ministry spokesman Zhao Lijian nih Taiwan lak ah hma lak ding ah hin thil tampi le ralkap lei tiang ready terdih asi tiah ati, US House Speaker Nancy Pelosi nih One China Policy akan upat piak lo, America nih rempi lo bu in thil hramhram in an kalpi ah cun, thil tha lo zei poh aphan ah cun, kan mawhphurh nak asi lai lo, America nih zei thil poi aphan zong ah an mah mawhphurnak asi lai tiin fak nawn in warning a pek.

U.S. Senate Republican leader Mitch McConnell US Senator chung ah thil ti khawh ngai mi nih cun, Nancy Pelosi nih August ah Taiwan a tlawng/visit atim mi cu, “China nih Taiwan athuat/doh ding an tih ruang ah atimnak hi cancel khawh asi lo tiin achim ve bak fawn, China thin ahung chinchin, Taiwan nih hin China hrocernak le cawlcang an tim mi lak ah, zei bantuk thil atuah zong ah kan zoh sawh sawh thlei lai lo, kut/ke an ngei bantuk in kut/ke kan ngei ve ko tiin raltha ngaingai in arak chim ve bak khi asi, zei bantuk hriamnam dah angei? Zei bantuk hriamnam dah kan ngei? Timi kong zong China nih atheih hmasa aherh tiin China bia cu ral than gai in aleh cawlh khi asi.

China Taiwan US Tension ah hin US an tangrual ngai ngai ko, US House Speaker Nancy Pelosi nih Taiwan a tlawng ding kong ah, China nih US warning an pek caah, Republicans hna zong nih Speaker Nancy Pelosi an support ngai ngai ceu ko, Newt Gingrich, former Secretary of State Mike Pompeo & Republican Sen. Ben Sasse of Nebraska hna nih Republicans in Pelosi cu Taiwan tlawng/visit hrimhrim ding in an duh, Republicans lei in Democratic speaker support hi a um bal lo nain, atu tan cu an tang rual ngai ngai hna khi asi, 1997 ah khan Gingrich, House Speaker nih Taiwan a tlawng cu House Speaker nih atlawng hnu bik asi, mah hnu ah atu hi “House Speaker Nancy Pelosi nih Taiwan a tlawng/visit ngei ngei ding asi an ti an support ngai hna khi asi.

Republican Senator Ben Sasse of Nebraska, member of the Senate Foreign Relations Committee,” Pelosi hi Taiwan ah kal hrimhrim kose, President Biden nih Xi Jinping sin ah Chinese Communist Party nih zeihmanh ti khawhnak angei lo timi kong chim piak kose ati, Secretary of State hlun Mike Pompeo zong nih Pelosi kal hrimhrim ding ah thazang angei fawn tiin bia acah ve bak ko, US President Joe Biden zong Covid-19 a kai cu a negative cang, White House ah a kir than cang, Nain Presidential Election ah tel lo ding in Democratic Voters 75% hna nih an duh, Democrats lei 4/3 nih President mui thar hmuh an duh tiah news report ah langhter asi.

US House Speaker Nancy Pelosi nih cun China an ram ah an ruah mi, Taiwan tlawng atim mi asi, mah kong ah hin China nih arak ngai pawimawh ngai mi khi asi, an duh bak lo, Nancy Pelosi nih hin Taiwan a tlawng/visit asi ah cun thil tha lo a chuah pin ah effect hi serous tuk mi asi lai tiin, China nih cun US cu arak hrocer cawlh diam khi asi, Nancy Pelosy nih hin Taiwan a tlawng/visit timnak hi nihin tiang cancel asirih lo, US President tang ah US mi pawimawh bik chung ah tel mi, House Speaker-nih Taiwan ram hi a visit asi ah cun Kum 1997 hnu ah Island (Taiwan) visit than nak hmasa biktu US mi pawimawh asi fawn lai.

Taiwan ram hi China nih hin ka ram chung tiin a hamh tlat mi kha asi, atu lio boruak ah le bang cu Taiwan hi thuat/doh mai khawh ding dirhmun ah dir in, China hi an iready ngai ngai lio asi fawn cang tiin news report ah langhter mi asi, atu bantuk in US mi pawimawh bik hna chung in Taiwan a tlawng/visit ding thawng pang an theih ah hin, China nih hin Taiwan lak ah ruah lopi in an cawlcang lai lo tiah chim ahar ngai ngai cang dirhmun asi cang, mah tluk boruak arak sang cang mi hi, thil ma kasi lem ti lo, Nancy Pelosi nih Taiwan tlawng a tim kong ah hin US President Biden Administration nih, mah thil hi anrak zoh ve lio peng khi asi tiah theih asi.

Zar liam can ah khan President Biden nih news reporter hna sin ah, US ralkap hruaitu lian hna nih cun Taiwan ah Pelosi visit timnak cu, thil tha bi kasi lo tiin chim asi ruang ah ram pahnih karlak thil tha phantertu si lo in, thil tha lo serious ngai mi asi tiin China nih ati, US state department nih Pelosi nih hin a bia a thleng rih lo tiin achim, mah lio ah hin Taiwan kong ah US hi a rawlh tuk tiah ati fawn, China nih Taiwan hi athuat/doh asi ah cun, Taiwan caah ah US nih kan bawm cawlh lai tiah Biden nih arak chim cang mi kha asi, mah bantuk boruak buainak asang lio karlak ah hin, Pelosi nih Taiwan tlawng/visit atim nak kong China nih arak theih ah khan, China President thin akhenh bak ko kha asi, a tlawng/visit taktak asi ah cun ram pahnih karlak chiatnak rap thlak phantertu le Taiwan lak ah China cawlcang ding tiang chiatnak asi lai tiin achim.

US House Speaker Nancy Pelosi nih Taiwan visit can ding hi Security thil ruang ah phuan asi lo, Chinese Ministry of Defense nih US House Speaker Pelosi nih Taiwan, a tlawng/visit can ah kan ralkap hna hi an um sawh sawh lai lo, external interference’ kan duh bak lo ati, Chinese Army nih Nancy Pelosi nih Taiwan a tlawng/visit can ah, “N0 Fly Zone tuah an tim” tiah South China Morning Post reports ah langhter asi, “Beijing has tremendous means to push Pelosi to give up her plan. In terms of military options, the PLA (Chinese People’s Liberation Army) might announce a no-fly zone and restricted navigation zone for military exercises near the Taiwan Strait, forcing Pelosi’s aircraft to make a detour if she insists on visiting Taiwan,” Ni Lexiong, a professor at the Shanghai University of Political Science and Law.