China nih cun Taiwan hi karak doh taktak ah cun United State of America hi an cawlcang manh lai lo tiah ahrocer ning hi,

Trump administration kum 4 chung ah khan Taiwan le Indo Pacific lei ah hma anrak lak piak tawn khi asi, Asia NATO hna cu QUAD tiah anrak tuah kho mi cu thil tha ngai ngai asi, US, India, South Korea, Japan le Australia hna nih lungrual tein hma an lak peng kho ngai khi asi.

US zong nih China ngiarnak ding ah Taiwan nainak ah anrak kal peng fawn khi asi, mah long si lo in South China Sea ah a cancan ah hriamnam thatha he an kalter tawn khi asi, Taiwan le Guam lei ah hriamnam thatha hna tamnawn in anrak chaih cang fawn, Biden administration thla 6 long asi rih ko nain, Hongkong, Xingjiang Muslim Minorities, Taiwan le Indo Pacific ruang ah atu bantuk in an ralkap hna ready ter in hma an laknak asi, US le China tension hi arak sang sinsin nak zong khi asi.


China economy zong Covid-19 pandemic chung zong ah athang ve ngaingai khi asi ve, Hriamnam le ralkap lei zong ah athangcho ve deuh deuh khi asi, China Military experts tampi hna an holh ning ah hin US hi an tih lem lo ti phun khi asi, ataktak ah cun an ngam hnga maw? Social media hna ah cun China nih US hi anrak ngam ve ngai ngai phun khin holh ahmang tawn khi asi.

Du Wenlong, military expert, the director of the Chinese Military Culture Society, nih Defense Review panel, Chinese state broadcaster CCTV in an tuahnak ah, US nih One China Policy ngai pawimawh lem lo in, Taiwan cu hriamnam thatha an pek zong ah zei hmanh an si lai lo ati, China nih Taiwan hi kan doh taktak ah cun kan cawlcang dih hnu long ah US cu Taiwan chanh ding in ara lai tiah ati.


Atu ah China nih Military Drills kan ngeih ning dang dang hna nih hin, kan cawlcang khawh ning ding mi alang ko tiah ati, Taiwan hi target bik asi, Taiwan nih hin US he peh tlainak ngeih ding in lam akawl peng ko, zeitluk in lam kawl hmanh selaw kan doh taktak ah cun, thil zei poh kantuah ding mi vialte tuah dih hnu long ah US cu alang chauh ding asi tiin China Military cu a holh bak ko khi asi, US nih zei tin dah a leh hnga kan zoh te lai?