China ruang ah Japan zong nih an Jet Fighters Rili kam ah lam chukcho zuanter cuah mah lio asi ve cang,
China ruang ah Japan
China Taiwan Straits Crisis ah a buai bik dawttu cu Japan asi, nizan ah China drill ruang ah exclusive economic zone ah China missile 5 a tla kha asi, Nihin lei ah China nih drill hram thawh than asi, Chinese drones 2 hna nih Sakishima Islands southern Okinawa Prefecture, an va phan- Japan Self-Defense Force fighter jets hna 2 nih an dawi chuak manh, mah China drones 2 reconnaissance drone & kamikaze drone nih hin Pacific Ocean, Sakishima Islands, East China Sea pawng ah suimilam pakhat dan ah an kal tiah theih asi.
America nih Pelosi Taiwan a tlawng mi hmang in Beijing an challenge tiah, China sovereignty humhak ding ah hma an lak mi hi adik ko ati, Russia nih America he Prisoners exchange kong ah chimpi ding ah kan duh lo, Washington cawlcang ning nih umzia angei lo, American basketball star Brittney Griner court biachahnak ah, zei hmanh The Kremlin nih cun kan chim lai lo tiah ati.
Asian khual tlawngnak Vanlawng lian hna cu Taiwan pawng ah kal lo ding in ati,
China nih ni 2 nak caah Taiwan Strait ah Live Fire Drill hramthawh than asi caah, Asian air carrier hna cu Taiwan pawng naihnak hrawng ah kal lo ding in an phuang cang khi asi, mah chung ah cun Thailand Airways nih an phuang hma hnung bik asi- Japan & South Korea boruak buai lio le Philippine airspace an hmang piak cang hna khi asi, Civil Aviation Authority of Vietnam nih Sunday tiang in 82 flights hna an buai phah ko lai, Singapore Airlines, Korean Air hna nih Incheon – Taiwan flights an cancel rih fawn khi asi, Asia lei zong boruak abuai deuh deuh ve ko cang timi hi afiang chinchin.
China nih US ralkap he High level tuantinak tawpter US nih China ambassador auh,
China thinhunnak cu alang deuh deuh ko, Pelosi nih Taiwan a tlawng ruang ah China lungawi lo ruang ah, America ralkap he an tuantinak tawn- senior-level military commanders dialogue, climate talks etc cu tawpter asi, China’s foreign ministry nih Beijing cu Washington he cross-border crime and drug trafficking, illegal migrants chiah than le thil dang phun 5 ah riantuanti nak cu tawpter asi tiah an phuang, Taiwan Straits Crisis kal peng ah China Live Fire Drill ah The White House nih China’s ambassador Qin Gang an auh, Washington nih House Speaker Nancy Pelosi’s Taiwan a tlawng dih hnu ah, ‘Beijing cawlcang ning cu fakpi in challenge nak asi tiin, Taiwan atanhnak kong achim.
White House Spokesperson John Kirby nih The Washington Post sin ah “People’s Republic of China hna cawlcang ning hi a dawh lo ngai khi asi, midang hrocer le ram hmete hna thin phang in nan umter cu thil tha lo ngai mi asi, America nih can sau ngai kan goal cu Taiwan Straits ah remdaihnak tuah hi asi, mah hmanh ah hin White House nih Qin sin ah Washington nih ‘One China policy’ an support khi asi, Beijing nih communication lines an ong peng ding ah beisei asi nak kong achim piak.