CNF/A Chungin Thihnak A Tongmi An Um.

CNF nih an ngaihchiatnak cu an facebook ah mah tihin an langhter.

May be an image of text that says "ဝမ်းနည်းခြင်း ဒုတပ်ကြပ် ထန်လှုပ်သည် အမျိုးသားရေးအတွက် သမိုင်းပေးတာဝန်ကို ကျေပွန်စွာ ထမ်းဆောင်ရင်း ရှေ့တန်းတစ်နေရာတွင် မိမိသစ္စာပြုသော တိုင်းပြည်နှင့် လူမျိုးအတွက် အသက်ပေးလှူသွားပါသဖြင့် ချင်းအမျိုးသားတပ်ဦး၊ တပ်မတော်က ဦးညွှတ်လေးပြုပါသည်။ ၎င်း၏ ပေးဆပ်မှုအပါ် အမျိုးသားတပ်ဦး၊ တပ်မတော်က မှတ်တမ်းတင်ကြောင်းနှင့် ကျန်ရစ်သူ မိသားစုအပေါ် ဘုရားသခင် ကွယ်ကာ စောင့်ရှောက်တော်မူပါစေကြောင်း ဆုမွန်ကောင်း တောင်းအပ်ပါသည်။ ဒုတပ်ကြပ်ထန်လှုပ် ကောင်းရာသုဂတိ လားပါစေ။ သတင်းနှ် ပြန် ားရေးဌာန ချင်းအမျိုးသားတပ်ဦး ၁၆.၄.၂၀၂၁"

Ngaihchiat hrumpinak : Ram le miphun caah dinfelnak le zumhawktlak tein rian a ttuan mi sen 2 Thang Hlauh cu ram le miphun caah a nunnak a pek caah CNF min in upatnak kan in pek. CNF nih kan in theih in kan in philh lai lo. Taantak mi chungkhar zong pathian nih in um pi in in huhpheng hna seh tiah thla kan in cam piak hna.

Crd- CNF

Relchap: BREAKING: US le Russia Karah Buainak A Chuak Chin Lengmang Cang!

April 15 (Thurday) ah US President Joe Biden nih White House in Russia dantatnak a thanh cang. Atu bantukin US nih Russia dantatnak a tuahnak a ruang cu Cyber Internet dohdalnak, thimnak i an i thlaknak, Crimea hmunhma kong elhniarnak le a dangdang ruangah a si.

Kum 2020, US thimnak ah hnahnawhnak, thawngpang dik lo thanhnak he aa pehtlaimi bu le pumpak 32 cu US nih dantatnak a tuah hna. Russia ngiathlaitu (spy) cheukhat le Washington DC i Russia Embassy riantuantu 10 zong US ram in a thawl hna. Hi bantukin kan tuah hi Russia nih US cungah hmasa bantukin a tuah ti lonak dingah a si tiah President Joe Biden nih a chim.

“Russia cozah thiltuahmi ruang i kan sunghralmi hi cohlan awk a har. Cucaah atu bantukin dantatnak in kan lehrulh hi a si” tiah President Biden nih a chim.

US dantatnak kong he pehtlai in Russia ramleng vuanci zung nih cathanh an chuah colh ve. US nih dantatnak an tuahmi hi kan lehrulh colh ve lai an ti.

Russia cozah dohdaltu Alexey Navalny cung i an tuahmi thatlonak ruangah Russia cozah bawi 7 le cozah zung 10 renglo hna cu US nih kan hnuzarh ah dantatnak a tuah cang hna.

Atu bantukin ram ngan, ram thawng pahnih karlak ah pehtlaihnak a chiat chin lengmangmi hi vawleipi himnak a hnorsuangtu a si te hnga maw tiah ramkhel thiamsang hna nih an chim.

Crd- VOA/via The Chin Post.