Date 26.7.2021 nihin zan lei Suimilam 2:00PM hrawng ah ramri buainak kong ah an ikap bak ko cang,

Date 26.7.2021 nihin zan lei Suimilam 2:00PM in Assam le Mizoram ramri buainak ah an ikap bak ko cang, Assam lei hi cu palik le ralkap hna long te anrat lio ah Mizoram lei cu palik le ralkap hna si lo in civil mipitu hi hmalei front line ah an kal ko kha, mizo acoyah nih zei ruang dah Palik le ralkap hna hi an control timi hi akong theih fian lo in a um ko, mipi hna zong an thin ahun pah cang ko khi asi, zei thil dah acang lai zoh rih ko uh sih.

Nihin ah khan ruah lopi in Assam palik hna nih Assam le Mizoram ramri pawng khua Vairengte ah Assam palik hna nih buainak an tuah hmasa hnu ah, Assam palik hna le Vairengte mipi hna cu an ivuak deng mang lio ah Mizo palik hna zong arak phan ve cawlh khi asi.


Can tlawmpal an ikah hnu ah Mizo palik 2 le minung pakhat hriamhma angei tiah thei asi, atu ah hin ahmun veve ah Assam ralkap hna cu minung 200 leng an si lio ah kan Unau Mizo lei IR hna hi minung tlawmte long an si, Assam lei nih meithal vawi tampi an puah/kah lio ah Mizo IR hna nih cun meithal an puahter tuk lo tiah ahmun ah um mi hna nih an chim.

Assam le Mizoram ramri buainak kong hi can sau ngai ngai anrak buaipi ko cang, Mizoram lei hmunhma hna hi Assam lei nih anlak piak deuhtu khi asi, Mizo minung Dum/lo, Leikuang ngeinak hmunhma hna zong Assam pawl nih kan ram chung asi tiah zei maw zat lak piak asi cang khi asi rua, Mizo unau ta motor zei maw zat vuak chiat piak asi.


Nizan tini ah khan North East State Chief Minister hna le Central Home Minister Amitsha he meeting ngeih asi, mah meeting ngeihnak ah Mizoram Chief Minister le Assam Chief Minister hna itawnnak anngei, mah hnu ah Central Home Minister Amitshah he itawnnak angei fawn, zei dah an ceih theih asi lo.

Remdaihnak a um deuh ko lai tiah Mizo mipi hna zong nih ahna angam deuh ko nain, nikhat hmanh arauh hlan ah atu bantuk in ramri ah idoh kahnak arak chuak ko khi asi, atu hi ahmun ah khat lei khat lei veve ah palik bawi hna le Official hna zong an um tiah thei asi, boruak hi zeitin dah si lai theih fian asirih lo an idoh than ding dir hmun ah an um lio khi asi.

https://www.facebook.com/messenger_media/?thread_id=100043528440528&attachment_id=555899035779380&message_id=mid.%24cAAAB_9wfcSmBFE5miV64wjjaJvT1