Date 26.7.2021 Ramri ah an ikahnak kong zan 10:30PM ahnu bik last report nih tarlan ning ah cun Assam minung pakhat thi than in 56 nih hriamhma ngei,

Assam le Mizoram ramri ah hin Central lei nih Security ca ding ah tiah Central Reserped Police Force CRPF camp tuah piak in duty ter asi, mah CRPF hna hi ramri buainak um lo ding ah duty ter mi asi, nain nihin thil cang ah khan CRPF hna camp chung ah Mizo palik Officer pakhat Superientendent of Police SP cu nun him nak ah kal cu CRPF hna nih luhter an sianh piak lo tiah thei asi.

Ramri ah cun ruah lopi in Assam palik minung 200 hrawng cu IGP Officer he Assam-Mizoram-ramri ah kal in, ramri ah CRPF Camp umnak ah cun hmunhma lak in an um tiah thei asi, Mizoram palik hna cu Section khat hrawng longte duty mi minung 30 hrawng longte an um lio asi, CRPF Camp ah cun Cachar DC, SP le Kolasib SP hna cu ihmuh tawnnak ngeih lio asi, Mizo SP nih cun Assam palik hna nan kir lo ah cun Mizo civil mi hna zong hi an um peng ko lai tiah ati.

Mah lio ah cun Assam palik hna le Mizo civil hna cu an ivuak cemmam arak si, Assam motor lian le pic up phun le Sumo hna zei maw zat vuakchiat piak asi tiah thei asi, Assam palik hna nih cu Teagas zong an hman, hriamnam dang dang hna he, Van that ah kan Unau Mizo hna cu hriamhma ngei mi an um tuk lo khi asi, Assam palik hna cu hriamhma ngei mi an tam ngai tiah news report nih cun alanghter.


Official hna ibiakchawnh lio ah, Assam palik hna nih meithal an puah hmasa asi, mah hnu ah Mizo palik nih meithal an puah ve cawlh asi, cun mipi hna cun himnak ah kal cang u kan ikap cang lai tiin, mipi hna cu an himnak hmun ah an kal liam cang ah cun an ikap ve cawlh khi asi, kan Unau Mizo palik hna umnak hmunhma cu acung lei sang deuh dirhmun asi caah an vantha ngai, mah caah cun Assam palik 6 thi cawlh in 56 nih hriamhma an ngei timi cu confirm asi cang.


Mizo palik le Assam palik ikahnak ah hin Assam palik hna cu minung an tam ngai ko nain asung kan ti ko lai ta, Flag var an zar caah cun, ikah lio cu idin ta kha asi, minute 45 chung ah an ikap tiah thei asi, Flag var an zar cang ah cun asungkhan tinak deuh khi asi rua, ahnu Suimilam 7 hrawng ah khan Assam palik pakhat athi than tiah thei asi fawn, cun adih lak in 7 an thi cang tinak asi, Mizo lei ah cu Civil pakhat le palik 2 hriamhma faktuk lo in angei ve tiah thei asi.


Mah ikahnak ah hin Assam palik 6 le civil 1 athi, 56 hriamhma angei, mah hriamhma ngei mi chung ah hin, Cachar SP zong an itel ve, Cachar DC nih cun SP hliamhma ngei mi hi Cachar Medical College-ah chiah asi, ICU-ah umter asi tiah thei asi, Civil mi pakhat hliamhma ngei mi cu ahnu ah athi tha ruang ah 6+1= 7 thi mi hi Assam lei an si.


Union Home Minister, Amit Shah nih “Assam-Mizoram ramri cu CRPF nih zohkhen (control) ding asi ati, Tu Zan ah khan Assam Cabinet Minister pahnih, Pijush Hazarika le Parimal Suklabadya nih Lailapur ah kal in thil um tu ning an zoh lai, tu zan Suimilam 10:00pm hnu àh Assam Chief Minister, Himanta Biswas Sarma nih Haflong a phan, meeting ngeih pi in thil umtu ning an chimpi, thai zing ah ikahnak hmunhma ah thil umtu ning an zoh lai tiah news report nih alanghter.