Dawei PDF Nih Dalan Pawl Umnak Inn Pakhat An Hrawh Dih Cik Cek!

Dawei People Defense Force Hna nih nihin Dalan inn pakhat cu an thianh dih cik cek tiah thawng an thanh. Dawei PDF nih March 12 zaan ah khan Mipi harnak a pe tu dalan hna cu an va luh hnawh hna i 1 an thah cun 2 cu hliam hma an pu.

May be an image of text that says "PEOPLE DEFEINSE DAWEI FORCT FORCE Since- 5.5.2021 D.P.D.F"

An inn vialte Dawei PDF nih an hrawh piak dih hna. Hi an luh hnawh hna tlawmpal ahhin Ralkap nih mawtaw in an rak rat ve hnawh colh hna, Ralkap mawtaw sinah emergency mawtaw pakhat a rak ra ve. Dawei PDF nih Ralkap mawtaw cu kah an timh ko nain Emergency mawtaw he an rat ruang ah an kap kho than lo. Dawei PDF zong nih Emergency mawtaw cu an kah chih deng ve caah ngaihthiam an hal hna.

Crd- TLK

Relchap: Nizan Ah A Tlau Tiah An Kawlmi Pa Cu A Ruak In An Hmuh!

Mizoram Seling khua Pu Lalparvula kum 37 cu May 11 suimilam 2:30 hrawngah Champhai lam, Seling khuataw Water Point lunglak nak hmun in Scooter he a kal mi cu a cuah ti lo caah an va hlat tikah a Scooter cu Water Point thlang deuh lamkam ah hmuh a si.

May be an image of 1 person, standing, tree and outdoors

A Minung cu zeihmanh thawngpang theih chap ding a um lo caah Nizan zanlei le zanah Innpa chakthlang le YMA hruaitu pawl he kawl a si i tuzing suimilam 7 le cheu hrawng ah Scooter a chiah nak thlang, lamthlang lampi in pe 300 hrawng a hlat nak kam ah a ruak in hmuh a si.

May be an image of 1 person, sitting, standing, tree and outdoors

Pu Lalparvula le a nupi Pi Lunghnemi te nupa hi lung la in paw a cawm mi an si.

Crd- The Chin Post.

Relchap: China Hi An Rak Mak Kho Tak Tak Dah Ngai, Covid-19 A Rak Chuah Ning.

Tulio vulei cung khua zakip ah a leng mi covid-19 zawt nak hi China Ralkap- People Liberation Army (PLA) nih 2015 ah khan Biological hriamnam pakhat ah ser khawh a si le si lo an rak buaipi cang tiah UK le Australia Media pawl nih an thanh.

Vulei nih a buaipi mi Covid-19 a rak chuah nak taktak hi Vulei cung minung pawl sinah a tu tiang biahal nak a um peng mi a si.

UK le Australia Media pawl nih China ralkap PLA nih Covid-19 hi Biological Hriamnam pakhat ah tuah khawh a si le si lo 2015 in an rak buaipi cang tiah a thanh. An thawng theih mi hi US State Department nih Taluk biathli an kawl hnu in an theih mi a si tiah an chim.

Covid-19 hi tlau lei nakin zual lei a panh deuh deuh rua ti awk in a um. Hmunkip ah a karh chin chin caah UK le Australia Media hna nihcun zawtnak nih vulei pi a karh hlan ah China cu mah zawtnak hi Hriamnam ah hman ningcang hi an rak ruah diam cang tiah an chim.

An bia lak nak US State Department nih China Sciencetist pawl nih hin Vulei Ralpi pathumnak cu Biological Weapon he i doh a si cang lai nak kong chim in mah bantuk hriamnam an ngeih khawh a si ahcun kan ralram Health System cu a chia dih lai tiin an Ralkap pawl zong an rak cawng cia cang tiah UK Media nih a chim

Mah lawng si lo in Kum 2013 ah Vuleicung a buai ter tu SAR zong Minung ser mi a si kho ko tiah a chim chih.

Mah kongah hin Defence lei mithiam Col.Rohit Dev (Rtd) nih “China nih hin Vulei chawlehnak chiat ter dingin tan a lak zongah thil mak a si lai lo. Biological hriamnam hi a ral doh nak ca zongah an rak hmang cang” tiin a hmuh ning a chim.

Mithiam pawl nihcun UK le Australia Media nih an biachuahnak in China nih WHO mithiam pawl an Biological hriamnam ser nak hmun tha tein an zoh ter duh lo mi zong kha thil mak a si lo tiah an chim ve.

Covid-19 hi Wuhan i Wet Market in aa thawk mi a si tiah chim a si nain fiannak taktak a nei kho rih lo. A tu UK le Australia Media hna nih China an puh nak zong China nih cun a dik lo mi a si tiin aa pheh tiah theih a si.

Crd- The Chin Post.