Delhi police-nih kum 27 chhung ah cars 5,000 leng afir cang mi cu tlaih asi cang thil fir thiam turu tuk mi asi, akong tawi cu??

Delhi police-nih kum 27 chhung ah cars 5,000 leng afir cang mi cu tlaih asi cang thil fir thiam turu tuk mi asi, akong tawi cu??

Delhi Police nih nikhat ni ah khan ‘India-ram chung ah car fir tawn lian bik tiah an chim mi cu, Amin Anil Chauhan cu an tlaih cang tiah Police thawngthanhtu nih achim, ram chung hmun dang dang hna ah anrak fir cang mi motor cars 5,000 hrawng an fir cang tiah report ah langhter asi, Police thawngthanhtu nih achim ning ah cun, kum 52 asi cang mi Anil Chauhan hi mi luklak phun baka nung mi asi, Delhi, Mumbai, le thlang/chak hna zong ah hmunhma ram zei maw zat an ngei tiah chim asi.

Police nih cun ram chung ah car firtu lian bi kasi tiin achim, kum 27 chung in cars 5,000 leng afir manh tiah chim in, Central Delhi Police tang ah Special Staff-hna nih Desh Bandhu Gupta Road pawng ah vanthat ah tlaih khawh asi tiah an ti, Anil Chauhan- hi car fir pin ah, hriamnam lei zuarnak zong ah a hnamhnawih/pehtlainak angei tiah chim asi, hriamnam hi Uttar Pradesh lei in chakthlang stae ah, tupung hna sin ah an zuar tawn tiah theih asi.

Delhi-ah Khanpur ah a um lio ah hin, Chauhan-hi autorickshaw mawngtawn mi asi, kum 1995 hnu ah cun car fir hramthawh asi, A can hmasa lei ah hin Maruti 800 car a fir tawn khi asi, Ram chung hmun dang dang ah um mi fir in, Nepal, Jammu & Kashmir le chakthlang state-hna ah a zuar tawn tiah ati, Car a firnak ah hin taxi driver zong zei maw zat an thah cang tiah theih asi, mah hnu ah cun Assam-ah um ding in an ithial khi asi, Delhi, Mumbai le chakthlang state-ah in hmun tha tak tak, zei maw zat angei fawn nuam ngai ngai in khua an sa khawh tiah report ah langhter asi fawn.

Enforcement Directorate zong nih tangka dik lo ngai le ning cang lo in angeih ruang ah, tangka corruption case tuah pia kasi fawn tiah achim, t uhlan zong ah Chauhan-hi tlaih asi tawn ko cang nain, kum 2015 ah khan cun Congress MLA he tlaih an si, kum 5 tiang thawngthlak asi hnu ah, kum 2020 ah khan a chuak than kha asi, Anil Chauhan lak ah hin cases 180 bak tuah pia kasi cang tiah theih asi.

Mi fir turu tuk mi Anil Chauhan nih hin Nupi pathum le fa pasarih a ngei hna tiah, police-nih achim Assam state ah hin acoyah tang ah contractor-bantuk in a um mi asi, an tlaih lio ah hin a kut chung ah pistol paruk le cartridge pasarih arak ngei tel khi asi, atu ah hin Police custardy ah chiah lio asi, thaizing lei ah court ah kalpi asi lai, court nih zei tin dah akong hi an ceih lai timi hi fiang in theih khawh asi rih lo, thiam aco lo asi ah cun kum 20-30 tiang thawng thlak khawh asi lai tiah report ah an langhter khi asi.