Hakha CDF Nih Ralkap le Palek Sakhaan An Kah, An Laak Piak Hna!

Chinland Defense Force- Hakha nih 2021 May 8 ah Senthang Peng Surkhua khuapi um ralkap le palek kah ding in an kal hnawh hna nain ralkap le palek an rak tli dih manh i an sakhan tu an khanghpiak dih hna tiah thawng kan theih.

May be an image of sky, tree, mountain and text

Hi kong he pehtlai in, “An sakhan lak ding in kan kal. Kan phak ah anmah ralkap le palek hohmanh an um ti lo. An rak zaam dih manh. An minung cu an zaam dih nain an sakhan ning in mei kan duah,” tiah CDF chungtel pakhat nih The Hakha Post ah a chim.

Surkhua ah palek minung 12 le ralkap minung 5 an um. Hriamnam tha a dang an la kho lo nain, nam le a dangdang tu cu an laak tiah theih a si.

Crd- The Hakha Post.

Relchap: SAC Ralkap Vanlawng nih Anmah Ralkap pawl a Kah Sual Hna, SAC Ralkap Tam Tak Tak an Thi!

May 6 ah SAC ralkap Fighter Jet pakhat nih Kachin ramkulh, Moemok peng chung ah anmah ralkap pawl a kah sual hna caah SAC ralkap 30 leng an thi, tiah KIA chimnak nawlngei Colonel Naw Bu nih a chim. Moemok peng chung i SAC ralkap bu minung 100 leng kha KIA hriamtlai ah an ruah hna i SAC ralkap Fighter Jet nih Van in a kah sual hna hi a si.

May be an image of bird and nature

Col. Naw Bu nih, “Moemok peng chung ah anmah le anmah vanlawng in an i kap sual. SAC ralkap 30 leng an thi. A dang 80 leng hliamhma an pu hna,” tiah a chim. May 6 ah KIA nih SAC ralkap pawl hmun 3 ah an doh hna i SAC ralkap 200 leng hliamhma an pu i, a thimi zong an tam ngai, tiah Kachin thawngzamhnak nih an ttial.

Crd- The Chin Journal

Relchap: Ramkip Ah I Thahnak Longte Theih A Si Cang Ko Ee..

May ni 4 ah Brazil thlanglei Daycare Centre pakhat ah hngakchia kum 18 a si mi pakhat nih Vainam he a luthnawh hna i hngakchia a zohkhenhtu pa 2 le hngakchia pa 3 a thah hna tiah theih a si.

Photo released by Brazilian newspaper Impresa do Povo showing people and local authorities at the surroundings of the Aquarela Daycare School, after a 18-year-old man armed with a knife burst and killed three children and two staff, according to local police, at the southern city of Saudades, Santa Catarina state, Brazil, on May 4, 20121.

Hi kong he pehtlaihin Municipal Education Secretary Gisela Hermann nih “Santa Catarnia State Saudades ah ttih nung tuk mi thil pakhat a cang. Sayamah pakhat le cacawnnak lei rian ngei tu pakhat an thi, hngakchia dang hna zong siizung chiah an hau te men lai” tiah a chim.

Sianginn board member Fernandes dos Santos nih “Zinglei suimilam 10 hrawng ah a si. Mah pa zong mi a thah hnuah amah le amah i that ding aa timh lio ah Palek nih an tlaih i, a naih bik mi siizungah an kalpi colh, mi tampi an thin hung” tiah a chim

Crd- The Chin Post.

Relchap: Kan Chin Ralzaam Ngakchia 11 Nu le Pa Loin Ummi Hna Pastor Te Chung Nih An Zohkhen Hna.

Tuipui D ah hin ralzaam minung 47 an um i, mah chungah minung 11 cu Nu le Pa a ngei ti lo mi hngakchia an si. Hi hna hi Pastor pension cia mi chungkhar hna nih an zohkhenh mi hna an si. A zohkhenh tu pa nih hin hngakchia hna he Tuipui D ah hin a rak zaam pi hna i, Inn pakhat a rawk cia mi cu an remh i a um pi hna.

Tuipui D ah hin ralzaam minung 47 an um i, mah chungah minung 11 cu Nu le Pa a ngei ti lo mi hngakchia an si.

Mah Inn ah hin a zohkhenhtu chungkhar pakhat he an dihlak minung 27 an um hna. Mah an dirhmun hi Hnahthial YMA te nih an theih i hruaitu Executvie member hna nih tangka an i thawh hna i bawmhnak tangka INR.10000, Facang, chite le ei din dangdang an pek hna tiah theih a si.

A tu lio ah Electric veng, Hnahthial YMA Area chungah ralzaam minung 41 an um, mah hna he hin YMA hnahthial Area ralzaam dihlak minung 211 an um tiah theih a si. A report ngam lo mi zong tam an um rih lai tiah Pu K. Lalsangzuala, Secretary sub-headquarters, Hnahthial nih a chim.

Crd- The Chin Post.

Relchap: Taluk Gas Pipeline Vengtu Ralhrang An Thah Hna!

Mandalay, Kyaukse university pawng Tawma khua ah Taluk Gas pipeline a veng lio mi ralhrangbu cu May ni 5 zing suimilam 5 hrawng ah a ho ti theih lo mi cheukhat nih nam he an va tuk hna i ralhrangbu pa 3 an thi colh tiah thei a si.

A tangmi ralhrangbu hna cu meithal an puah i an tli, mah thil a can hnuah Tawma khua chung ah ralhrangbu motor cu tawr le cheng an rak lut, kaakip an kawl tiah khuami sin in theih a si.

Tawma khua i Dalan pawl zong ralhrang pawl nih “Hi thil an ti khawh mi hi zeiruangah nan theih lo tiah an hro, fung he an tuk hna” tiah mit in a hmuh mi nih an chim.

Cu lawng si lo, Tawma khua (ပညာနန္းေတာ္) Tution Saya U Myo Min Taw inn cu an va kal hnawh, a inn zong an hrawh piak, thilri zong an fir piak tiah theih a si. “Saya belte cu a luat. Kan hmuh a si ahcun kan kah/thah colh lai tiah an hro chih” tiah khuami nih an chim.

Tu zinglei suimilam 11 tiang khuachungah meithal an puah rih. Kyaukse University compound i Non CDM Saya/sayamah pawl he riantuan pawl zong meithal puah thawng ruangah an ttih ngai tiah theih a si.

Gas pipeline he ralhrang nunnak a cawm lio mi Saya/Sayamah le cozah riantuan pawl an nunnak cu tuanvo kan la lo tiah nai hrawngah khan Kyaukse District Defence Force (KDDF) nih an pek tiah theih a si.

Crd-  The Chin Post.