Idoh kahnak ah ralhrang pawl hi an sung peng ko caah sualnak ngei lo mipi le nunau cung ah kut an thlak tawn, atu zong ah Haimual khua unau thihnak hi arap thlak ngai ko,
Atu zong ah Haimual khua unau thihnak hi arap thlak ngai ko,
Chin state, Tedim township Haimual khua thar-ah kum tling lo uanu pahnih hna cu, military council ralhrang pawl nih ram tang ah hruai in an thah hnu ah thuk lo te ah phum/vui an si mi hmuh asi, Mah an thah mi unau pahnih hna cu, kum 17 asirih mi Lalnunpuii (Pui Puii) le a nau kum 15 asi mi Lalruatmawia hna an si, Military council ralhrang hna nih mah unau pahnih hna cu, August 14-ah tlaih in an hruai chuah mi asi, tuzing lei ah ramtang ah an ruak phum/vui cu hmuh asi kong khuachung mi pakhat nih cun atu bantuk in arak chim mi khi asi.
Indo-Myanmar ramri sumdawn nak ding lam no. 2, Rihkhuadar khua pawng ah um mi, Haimual khua thar-ah military council ralkap hna cu August 14-ah lut in minung umnak in 15 hrawng mei an khangh piak dih khi asi, khuachung minung zei maw zat tlaih asi mi hna cu, chuahter than asi, Lalnunpuii le anau cu hren asi hnu ah thah cawlh asi tiah thawng pang thanhtu nih cun atu bantuk in arak langhter mi asi.
Mah unau an thah mi hi lam pawng te ah vawlei thuktuk lem lo ah vui asi, mah cu nihin August 16 ah hin, khuachung mi hna nih ruak hi lak than in Haimual khua pawng ah tha tein phum/vui than asi tiah thawngthanh nak nih alanghter, Mah unau pahnih hna hi kanrak tuarpi ngai ngai ko a poi kan tipi taktak ko e.
Nihin Kanren state Kawkareit police station tel in khua chung military council ralhrang hna duty-nak hmun cu, KNLA, PDF tangti in an thuat/doh hna tiah theih asi, police officer tel in ralhrang 12 an thi pin ah lawyer pakhat le office staff tlaih asi, cun meithal 6 le kuan tampi tlaih pia kasi fawn, Karen state, Kawkareit khua chung ah um Kawkareit police station tel in, ralhrang hna an ikulhnak hmun hna cu August 15 zinglei suimilam 10:30 hrawng ah KNLA le PDF hna nih an kap, minute 15 hrawng an ikap tiah news report ah langhter asi fawn, Karen state, Kawkareit township cu KNU nawlngeihnak hmun asi, khuachung ti lo cu hmun dang hna hi KNU control dih mi asi tiah report ah an langhter.
Chin National Defence Force special commando training weekly (3) chung tlamtling tein dih asi, Chin National Organization (CNO/CNDF) pawl nih cun special commando training weekly (3) chung training cu Camp Rihli training ground-ah kharnak prog August 13-ah hman asi tiah cathanhnak an tuah, mah training kharnak function-ah cun Chin National Organization ah General Secretary Salai William Chin-nih biachimnak ngei in, CNO Commander in Chief Salai Peter Thang nih fawrh felnak bia achim fawn.
Mah hnu ah trainee-hna nih Karate show hna, hriamhrei hmang in ithuat ning show hna ngeih asi, training-nak ah ti tha mi pawl cawisangnak can hman le Zalen nak hla sa in, function cu tlamtling tein khar asi, mah special commando weekly (3) training-ah cun Nungak 9 le tlangval mipa 36 an si, an dih lak in minung 45 an si, tukum June 20 in August 13 tiang, thla 2 chung ngeih asi, mah ah cun CNO/CNDF policy, Geneva Convention, Urban attack practical, military parade, military strategy, small armed shooting, Guerilla strategy hna cawnpiak dih asi, political basic lecture, Federal democracy system, Karate le medical lei izohkhennak tiang cawn piak dih asi tiin CNO/CNDF tang ah Information & Public Relations Department nih atu bantuk in cathanhnak arak tuah mi asi.
Credit: LCBN.