Israel ah thawng in ah an thlak mi minung 6 hna cu zei tin dah atli khawh? Gilboa prison in palestinian 6 hna cu,

Israel thlanglei venhimnak thatuk mi tang ah um mi, Gilboa Prison in nizan zing ah khan Palestinian mi paruk, terrorist ah puh mi cu thawng chung in an tli tiah thei asi, Israel security service nih thawng in atli mi hna cu bia tak tein an kawl cawlh tiah an thanh, thawngtla minung 6 hna nih hin, thawng an tlaknak cell-ah tichia hlonhnak tunnel an tuahnak in an tli hna khi asi, an mah chung ah pa 5 hna cu Israel mihna anthuat ruang ah thi ding ah tiah court biachah cang mi an si, pakhat cu Al-Aqsa Martyrs Brigade terror group commander Zakaria Zubeidi a si, case 20 leng ngeih mi asi.

Mah paruk hna hi tih anung mi minung hna an si, mah hlan ah an mah chung ah pathum hna hi tlik anrak timh cang mi asi, Israel police-hna nih cun Giboa Prison pawngkam hrawng ah cun an kawl cuahmah lio asi, ralkap hna le Shin Bet zong nih thawngtla tli mi hna kawlnak lam ah an bawm hna, drone le helicopter hmang in an kawl cuahmah lio asi, an tlaih sual than ah cun an caah thil fawi asi lai lo timi cu afiang ngai ko.

Prime minister Naftali Bennett, public security minister Omer Barlev le defence minister Benny Gantz-hna zong mah thawng pang hi theihter cawlh asi, Gantz nih cun nizan ah khan Shin Bet hruaitu Nadav Argaman, Israel Defence Forces Central Command Maj. Gen. Yehuda Fuchs le IDF Operations hruaitu Maj. Gen. Oded Basyuk-hna an hmuh, thawngtla atli mi hna cu aran khawhnak chung ah tlaih than ding in an ceih pi hna khi asi.

Israel nih cun mah thawngtla atli mi hna hi tlaih than hrimhrim ding asi timi cu an bia ken mi asi, mah caah cun Israel ralkap hna hi cu mah bantuk case ah experence ngeih cang mi an si caah, tlaih can an ngei te ko lai-i, an tlaih cang ah cun fawitein an chuak kho ti lai lo khi asi, aruang cu an hmuh hlan tiang kawl asi ko lai, an hmuh hnu long ah akir ding asi, timi cu mithiam hna ruah ning zong asi, Israel ralkap cawlcang ning cu vawlei nih arak thei dih cang ko khi asi, an tlaih hlan cu an kir tak lai lo.