Israel-nih West Bank-ah Palestinian-hna caah vanlawng ruahman piak, Israel IDF Air Defence Corps Nu Commander hmasa bik cu,

Israel nih cun West Bank-ah Palestinian-hna cu Negev thetchia hmun ah, airport in ram danga an tlawng chuah khawhnak ding ah, Vanlawng ruahman piak asi, Israel Airports Authority thawngthanhtu nih mah ruahman nak thar tang ah hin, Nikhat ni ah khan Israel chak lei ah resort city, Eilat pawng ah Ramon airport in Palestinian minung 40 cu ram leng lei ah, an zuang chuak cang tiah chim asi, mah hna hi Israel airline, Arkia vanlawng hmang in Larnaca, Cyprus tiang an phan khawh.

West Bank-ah Israel mi um mi hna cu Tel Aviv-ah international airport in, ram dang ah tlawng chuak khawh hmanh ah, Palestinian mi hna belte cu, an tlawng chuah ve hi khamh asi, Palestinian-hna nih cun West Bank in Jordan an pan phawt a her khi asi, Amman airport in an tlawng chuak khawh cauh khi asi, Palestinian prime minister Mohammad Shtayyeh nih Palestinian mi hna cu, West Bank in km 180 tluk hla asi, Ramon in an zuang chuah sianh piak nak in Jerusalem airport cu ong than ding in Israel an phut khi asi.

 

East Jerusalem-ah airport hi Palestinian-hna nih hin 1967 Six-Day War hlan ah khan an hmang tawng, Nain Israel-nih an ram umnak ah an hman hnu ah kum 2001 ah khan airport hi hman lo in a um cang kha asi, Israel nih airport umnak hmun ah hin Juda mi hna umnak ding ah, In sak tim in ruahman nak tuah asi.

Israe IDF Nu Commander hmasa bik cu?

Israel IDF Air Defence Corps Nu Commander hmasa bik cu, Lt. Col. Revital Barzani cu, Commanding Officer 66th Battalion, Air Defense Corps caah -Commanding Officer of the Air Defense Corps, Brig. Gen. Gilad Biran cu an lak luh hmasa bi kasi, Lt. Col. Barzani hi Israel Nu hna chung ah mah bantuk dirhmun kai sangter hmasa bik siin, Commanding Officer  66th Battalion, Lt. Col. Yoav Bigger aiawh ah thlen asi.

Lt. Col. Revital Barzani hi 2004 ah khan IAF Air Defense Corps “Hawk” weapons system operator in arak lut kha asi, a service chung ah hin -Hawk” battery Commander, Iron Dome battery Commander -Operation “Pillar of Defense”, Operation “Protective Edge” Head of the “David’s Sling” Defense System Desk the IAF’s Training & Doctrine Division hna ah um cang mi asi.

Lt. Col Barzani nih hin Deputy Commanding Officer 66th Battalion asi than hnu ah, Commanding Officer of the A3 Squadron, Air Defense Corps HQ ah a lut than, Pasal ngei lio siin fa 3 an ngei fawn in, an in chung hna zong felfai tein zohkhen chih khawh mi Nu tling pakhat tling bak mi asi.

Israel nih khuazei ram dah athuat than hawi?

Israel nih hin an hmalak nak le an thil tuah ding mi hna hi media hna ah hin an phuang zar duh lem lo khi asi tawn, an chim zong ah tlawm pal te fiangtuk lo in chim asi tawn fawn, ram dang ah operations an ngeih zong ah ah an comments duh bal lo khi asi, a hnu kum tampi hnu ah hin an thil tuah mi hna hi afiang tawn khi asi.

Israeli Military Reveals Attack on ‘Third Country’ During Gaza Op’ tiin an tial/chiah, Israel’s top general nih tu thla hramthawh hrawng ah khan, Israel le Palestinian Islamic Jihad hna nih ni 3 chung idohnak ‘Breaking Dawn’ an ngeih lio ah khan ram dang 3 nak ‘Third Country ‘ an thuat tel kong chim asi, IDF General Kochavi nih hin ram dang 3 nak a timi hi ‘Iran or Lebanon maw sihnga? A ho ram bik dah? Asi timi fiang in an chim lo.

Syria lei hi cu Iran proxies hna thuatnak ah an hmang ngai ngai khi asi, “Ten days ago, the IDF struck with great precision PIJ commander Taysir al-Jabari, who is an arch-terrorist, and at the same time carried out a wave of arrests in the West Bank and attacked a third country, and defended the rest of Israel’s borders,” Israeli Chief of General Staff Aviv Kochavi.