Israel ram cu laklawh ngai in rampi thimnak tuah a her than te ko lai hih! an ram chung politics abuai ve lengmang mi asi,
Israel ram cu laklawh ngai in rampi thimnak tuah a her than te ko lai hih! an ram chung politics abuai ve lengmang mi asi,
Israel-ah ṭangrual timi acoyah nih hmaizar ah hin, Parliament ṭhiah nak ding ah bill pulut in vote lak a si lai tiah, Israel Prime Minister Office nih Monday ah khan arak phuang khi asi, mah bill hi pass a si ah cun kum thum chung ah a vawi 5 nak caah Election/thim nak tuah a her than te lai khi asi, Ṭangrual pawl acoyah prime minister Naftali Bennett tuanpi mi lian bik, Yesh Atid party hruaitu Yair Lapid-hna nih cun Parliament ṭhiah nak ding bill hi hmai zar Monday ah put luh tim ding in biachahnak ngeih asi cang tiah report ah langhter asi.
Parliament-ah bill hi a tlang khawh asi ah cun, prime minister dirhmun tlaih ning ah ithlen ding ah iremhnak anrak tuah cang bang in, foreign minister si lio Yair Lapid cu interim prime minister-ah chiah asi lai, acoyah thar dirter asi hlan ah cun, mah dirhmun hi an tlaih rih lai tiin, PM Office nih atu bantuk in arak tar lang mi asi, Election/thimnak hi October thla ah an ngeih zum asi, PM Bennett nih Lapid he pahnih rem tinak in cathanh anrak tuah mi ah a chim mi cu, can harsatnak aton lio ah hin Israel mipi hna caah biachahnak dik an tuah khawh mi asi tiah aruah nak kong achim.
Bennett hruai mi party pariat hna hi ṭangrual/tiin acoyah an dir mi hi, nikum June thla ah khan lak luh a si chauh kha asi, nain a hramthawh in right-wing, liberal le Arab party-hna an tuantinak hi derthawng cawlh mi thil asi, Bennett le Lapid nih hin ṭangrual acoyah fek tuah tim in, bia tak tein kalpi asi ko hmanh ah an tlam tling khawh lo khi asi, Palestinian statehood, West Bank-ah Israel ram luah mi le Biaknak lei kong hna ah, an lungrual khawh lo khi arak si.
April thla ah Yamina Party member pakhat nih ṭangrual acoyah a support nak a with draw hnu ah khan, Parliament-ah majority an ngei tling ti lo kha asi, Parliament seat 120 um nak ah ṭangrual acoyah nih hin support tu member 59 long an ngeih khi asi cang, Ithim nak ngeih than ding ah hin, PM hlun, opposition hruaitu si lio Benjamin Netanyahu cu arak dir khawhnak chance tha asi lai zum asi, Mipi ruahnak an lak ah hin Netanyahu party, Likud party cu thimnak ah hin ah party pakhat ah seat lak tam bik cem ding ah zum cawlh asi, azum mi zong an tam tiah news report ah langhter asi.