July 19 Martyr’s Day vawi 74 nak ah Daw Aung San Suukyi Fapa nih London khuapi ah bia achim lungrual aherh ralkap uknak kan tei lai ati,

July 19 Martyr’s Day vawi 74 nak ah Daw Aung San Suukyi Fapa nih London khuapi ah bia achim lungrual aherh ralkap uknak kan tei lai tiah bia a chim mi nih akal mi hna lungthin ah ram le miphun dawtnak angeihter ngai ngai tiah news report nih alanghter.

Nizan July 19, Marty’rs Day vawi 74-nak Ceremony-ah Military hruaitu bik Min Aung Hlaing atel khawh lo caah, aiawh in Ministry of Religious Affairs and Culture, U KoKo a tel tiah Military Social Media nih alanghter, Marty’rs Day vawi 74-nak Ceremony-ah hin General Aung San fanu State Counsellor Daw Aung San Suu Kyi zong Military council hna nih ning cang lo in hrenh asi caah atel kho lo khi asi.

Yangon Ministry of Municipal Toe Aung nih cun Bogyoke Aung San- chung hna aiawh in Upatnak pangpar pek/chiah piak asi tiah Military Social Media nih aphuang, NLD acoyah lio ah cun, Marty’rs Day function-hlungthlai ngai ngai in tuah asi caah, President hna le Upa tampi hna nih Upat peknak an langhter tawn khi asi.

July 17, 18, 19 ah khan London khuapi zong ah ram leng le ram chung um mi Myanmar mipi Leader hna nih khawkhannak ngeih in, Marty’rs Day cu hman arak si khawh, mah function-ah hin Daw Aung San Suu Kyi, fapa hniang Mr Ko Htein Lin (Kim Aris) nih telpi ve in, a Pu General Aung San le a hawihna Upat peknak ngeih asi.

Mr Ko Htein Kim Aris nih Myanmar mipi hna sin ah lawmhnak bia achim hnu ah, Myanmar mipi hna hi lungrualte in kan um aher tuk cang, kanram caah lungrual tein rian kan tuanti ah cun Ralkap nawlngeihnak hi, kan hlonh khawh cawlh lai ati, mah caah cun U le Nau hna ralkap nawlngeihnak hlonh khawh ding ah hin kan dih lak in ruahnak hmun khat tein kar kan thlang ah cun ralkap nawl ngeihnak hi kan tei hrimhrim lai tiah ati.