Kan Laitlang Hakha Khua Chungah Mah Bantuk hin Ralhrang an cawlcang cang ee!

Celh awk hrim a tha lo mu zeitluk indah ralkap an sual le kan lai laitlang ah an zaa a lawn. Hakha ah palek motor he aa pah sual mi motor an hrawhpiak i a mawngtu an velh leng ah tangka an chuh.

May be an image of road

Hakhathar lam Aung Aung petrol dawr pawng ah Ko Nyi Nyi Tun motor le palek motor cu April 13 zaan suimilaam 9:00 hrawng ah an i pah sual i Ko Nyi Nyi Tun cu ralkap le palek nih an tlaih i an velh, a motor an denpiak dih leng ah tangka sing 13 an chuh tiah kan theih.

May be an image of car and outdoors

Hi kong he pehtlai in Ko Nyi Nyi Tun nih, “Khuachung in Hakhathar lei ah ka tin i Palek Motor a hme mi he kan i pah sual. Ka nawl chih ko hna nain an ka thuat chih. Ka motor chung in an ka chuah i an ka velhchih. Ka motor thlalang zong an ka khuai piak dih. Sakhaan ah an ka kalpi i Palek pakhat nih ka kut an ka hren cang buin a ke in ka hmai ah voi tampi a ka lamh. Zaan khat sakhaan ah ka riah hnu in an ka chuah than. Ka motor chung ah tangka sing 13 ka chiah mi zong an laak i zinglei ah sing khat le cheu lawng an ka pek than. Mah zat lawng hi tangka a um an ka ti,” tiah a chim.

May be an image of text that says "SHOT ON REDMI 10X AI QUAD CAMERA"

Ko Nyi Nyi Tun cu Hakhathar ah khua a sa mi a si i steel lei rian a tuan mi a si. Khuachung in inn a tin lei ah atu bantuk in palek motor a hme mi he an i pahnak a si tiah kan theih. Palek Sakhan ah zaan khat an hren hnu a thaizing ah an chuah than nain tangka sing khat le a cheu lawng an pek than. Palek motor a rawk mi zong cawiliamter an timh tiah kan theih.

Crd- The Hakha Post.