Kan ram kan miphun kilhven ding ah pasal tha hna thlathum chung in bomb lamh sual mi Matupi peng ah minung 13 an sicang zangfak bak an si,
2022 kum Chinram thlanglei Matupi peng Thi Boi khua le Thlang Pang khua, khua dang hna ah Ram le miphun kilhven tu CDF pasal tha hna cu van chiat ah ralhrang pawl mine bomb lamh sual ruang ah hin thlathum chung minung 13 hna nih an tuar cang hna khi asi, khua chung mi nih an chim ning ah mipa 12 le Nu pakhat hna nih mine bomb lamh sual ruang ah hriamhma ngei an sic ang tiah theih asi, Mine bomb ruang ah hrimhma ngei hi India Mizoram Aizawl khuapi Hospital ah treatment lak ding in an kal hna, izohkhennak lei ah sicawknak le um kalnak ah tangka zong an har ngaingai ko hna tiah thawng thanhnak nih atu bantuk in alanghter mi asi, New Delhi zong ah hin ake tuahter ding ah minung 2 arak phan tiah theih asi.
Mipa 7 hna cu a Ke abul cang/ke ngei lo asi, adang 5 hna cu ake long si lo in amit hna tiang hrimhma an ngei khi asi, kum 50 leng asi cang mi Nu cu Facang laknak ah akal lio ah atu bantuk in Mine bomb alamh sual mi asi, atu lio ah hin akal sawh sawh mi saram hna Sia, Caw, Vawk hna zong mine bomb ruang ah tampi an thi cang tiah, Thi Boi khua pawng ah um mi miphun pasal tha CDF pakhat nih khua pawng hna ah hin mine kulh in an chiah, ralhrang pawl nih mah an thil tuah mi hi thil tha lo ngai asi, civil mi hna caah ahim lo ngai ngai ka nau pa zong bomb puah ruang ah hriamhma angei tiah achim.
Mine bomb ruang ah hriamhma ngei mi hna hi Mizoram hospital lei phannak ding ah hin zarkhat chung can aduh tawn, hriamhma ngei mi caah cun faktuk in tuart awn khi asi, lampi hna ah si/medicine hna a um fawn lo Paracetamol silung hna a um fawn lo tik ah tuar taktak in tuar asi, March thla 2 ah khan mi 2 hna nih mine an lamh sual ruang ah, mah hnu ah cu Thi Boi khua hna cu khua pawng kam hna ah thing lak le meh lak ti bantuk hna tiang ram lak ah kal lo ding in theihter an si pin ah cheukhat hna cu khua dang ah azam mi hna zong an um tiah theih asi.
Matupi peng Thi Boi khua pawng ah ralhrang pawl umnak Camp cu aliam can ah khan CDF hna nih an thuat/doh hnu ah cun, ralkap tha zang dang hna chiahchih asi, mah hnu ah cun khua pawng hna le an umnak pawngkam hna hi mine bomb an chiah dih hna khi asi tiah Thi Boi khua chung um minung pakhat nih atu bantuk in BBC sing ah report a pek mi asi.