Kawlram chung thawng pang tlangpi ah, Ralhrang le AA ikahnak, Kalaymyo ZRA nih civil pakhat an tlaih, Gen. Aungsan In NUG nih humhak tim,

Myanmar ralkap le Arakan Army hna idoh kahnak ruang ah, Mizoram ah himnak duh ruang ah lut minung 564 an tling cang tiah theih asi, Lawngtlai District chaklei, Laitlang pin lei deuh, Myanmar ram chung ah Myanmar ralkap le Arakan Army hna idoh kahnak ruang ah, mipi zei maw zat himnak kawl in, Lawngtlai District chung ah ralzam cu, minung 564 an tling cang tiah news report ah langhter asi.

Ramri pawngte Myanmar ramchung Varang hrawnghrang ah hin, nizan zong ah khan fakpi in an idoh hna khi asi, meithal le bomb puah thawng theih peng asi, Military council lei nih Arakan Army thuatnak ding ah hin, van lawng he acung lei in an kah pin ah vawlei lei zong ah fakpi in an idoh peng khi asi, mahruang ah cun Varang le apawngkam ah um mi mipi le nu nau tampi hna nih himnak kawl in, nizan zong ah khan Laitlang le apawngkam khua hna pan in, Mizoram Lawngtlai Dist chung ah arak lut mi asi, an luhnak khuachung mi hna nih report an pek ning ah cun, ralzam lut zat hi adih lak in minung 564 an tling cang tiah an ti, Laitlang-ah 172, Dumzautlang ah-90, Hmawngbuchhuah ah 200, zochachhuah ah 102, an um lio tiah report asi.

Nizan ah khan Central Young Lai Association nih Treasurer R.Rampana he Relief Team, ramri ah hin kalter in, ralzam hna ei/din ding ah Facang Bags 55 an pek hna khi asi, Central YLA nih hin a herh ning in ralzam hna caah ei/din hi pek peng ding ah riantuan cuah mah asi, District nawlngeitu hna lei zong nih ramri dirhmun hi an hlatthlai peng khi asi fwan, hni puan le blanket, Medicine/sii phunphun hna le thil dang an herh ning tein, zohkhen le bawm asi pin ah, an umnak tiang zong tuaktan pia kasi tiah news report ah atu bantuk in fiang tein an langhter mi asi.

Kalaymyo-ah ZRA pawl nih khuachung minung pakhat meithal he hrocer in an tlaih,

Kalaymyo khuapi, Tahan khua le Hmunlai khua karlak ah ZRA hmaituam pawl nih khuachung ah um mi pakhat meithal he hrocer in, August nikhat zan lei suimilam 3:00 hrawng ah khan an tlaih tiah, khuachung um mi pakhat sin in theih asi, YCW, Private Hight School tlak lei, J Crown Futsal, field pawng ah, pa pakhat Bike mawng lio cu, Civil form-aih mi, minung 3 hna nih an dinter hnu phone chawnh in, A hnu aruah hlan te ah Car var/rang pakhat a pawng ah aphan cawlh tiah theih asi.

Khuachung mi pakhat nih cun “ZRA an si” tiah kan chim khawhnak chan cu, Dirver kha Hmunlai khua ah ZRA mi le sa Hosana Mang a si tiah ati, tha tein an chawnh lio ah, hmaituam minung 4 hna nih cun rangdeuh in, Car-chung ah nam lut in Boyoke (Bu Chhok) Motor lampi lei ah an kal cawlh khi asi, An tlaih mi hi aho dah asi timi fiang in theih asirih lo.

Gen .Aungsan IN cu miphun museum/ro caah NUG acoyah nih humhak tim asi,

National Unity Government (NUG) acoyah nih cun, State Counsilor Daw Aung San Suu Kyii umnak tawn, Rangoon khuapi ah House No.54, University Avenue hmun ah an House cu  Miphun Ro (national cultural heritage) caah nihin September 2 (Friday) ah khan Acting President Duval Shila nih cathanhnak tuah in arak phuang mi asi, an compound le an in cu Cultural Heritage caah phuan asi cang caah, a ho hmanh nih ngeih duh maw? Zuar duh maw? Chiatter duh maw? Danglam ter duh maw? Hmalak khawh asi ti lai lo, thil dang caah hman ding zong khamh bak asi cang.

Mah cathanh tuah mi buar an um ah cun Black list-ah record asi lai, Upadi ngeih cia ning bantuk in, Cultural Heritage Protection Law hmang in maw? Laws restricting the transfer of immovable property hmang in maw? Case tuah piak khawh asi lai, Daw Aung San Suu Kyi le a nuta U Aung San Oo hna cu, an ro ichuh in court tiang an buai cang tawn khi asi, Daw Aung San Suh Kyii cu, ralkap nih jail/thawng an tlakter lio ah khan, a nuta, U Aung San Oo’ nih cun Supreme Court-ah a kal than kha asi, Military Council nih duh ning in, U Aung San Oo-cu ro cangtu deuh si ding in, Supreme Court nih biachahnak arak tuah than kha asi.

Mah House hi Aung San Suh Kyii anu Daw Khin Kyi-nih cun a pasal General Aung San  thah a si hnu 1947 tiang umnak caah hman asi, Daw Khin Kyi hi Myanmar Ambassador rian tuan in, ram dang dang hna ah um in, a pension hnu ah mah an in ah hin a um kha asi,  December 1988 ah khan dam lo nak ruang ah, mah in ah hin arak thi cang mi kha asi, a nu zohkhen ding ah UK in arak tlawng, Daw Aung San Suu Kyii nih cun, a nu a thih hnu ah, politics ah arak lut kha asi, mah in ah hin arak um peng mi kha asi.

Myanmar ram chung mipi tampi support nak ngeih in, party thang cak ngai ngai mi,   National League for Democracy (NLD) party a dir kha arak si, Politics ah atlawngnak lam chukcho hi tial ding tamtuk a um ko, an politics lam zawh hi afawi bak lo, pumpek le luchum banchum huam in arak kal ko kha asi, MP caah thimtlin in a um vet awn ko hmanh ah, ralkap acoyah tang ah hin kum 15 chung bak mah House ah hin, House Arrest in hren mi kha asi, rampi caah anunnak pek dih in Nu pakhat nih mah tluk lawmmam lam chukcho arak tuar mi hi mi dang an um ve hnga maw??