Kawlram Chungah Leng Lei in Khualtlawng Kan Ngei Than Lai.

Brunei Prime Minister, ASEAN Chair (Chairman) a tuan lio mi Sultan Hassanal Bolkiah le ASEAN Secretary General Lim Jock Hoi hna cu hmaizarh (May 17 hnu. ..) ah Myanmar ram an tlawng lai, tiah Korea hrambunh Arirang Media nih a thanh.

May be an image of one or more people, people standing and suit

Atulio Myanmar ram boruak kong hlathlai le zohfelnak pin ah SAC Chairman Min Aung Hlaing he tonbiaruahnak an ngei lai. Tuan deuh ahkhan CNN lei in Khual kan rak ngeih cang. Tutan zongah hi bantuk in kawlram thil sining hlathlai le biaruah ding ah an rak ra ve lai.

May be an image of standing

Crd- The Hakha Times.

Relchap: Daw Aung San Suu Kyi Amah Mipum Lang In Biaceihnak Tuah A Si Lai!

Tlaihkhih a tong mi rampi ruahnak pe tu Daw Aung San Suh Kyi cu a ra lai mi May 24 zung chuah caan ah a voikhat nak a mipum zung ah check hlat nak a um lai tiah biaceih zung nih, ni hin ah biakhiah nak an ngeuh mi cu sihni U Khin Mawng Zaw nih RFA ah a chim.

A tu ah tuah kel online in biahal check hlat mi cu biaceih zungah check hlat si lo in Naypyidaw Zabutirih khua Zeyatirih ( ဇဗၼဴသီရိၿမိဳ့နယ္ ေဇယ်ာသီရိ ) veng Myanan Bungthar lam pawng special biaceih zung ah check hlat si lai tiah a chim.

Amah minung zung ah biaceih lio ah sihni hna he a dang ten tonnak nawl ngei kho ding in biaceihbawi sinah a hmuh kawl mi sihni hna nih nihin ah an langhter nain zeihmanh fiang ten theih khawh a si rih lo tiah sihni U Khin Mawng Zaw nih a chim.

“Za long ten tonnak nawl a ngeih te hnga maw ti cu fiangten theih hngalh khawh a si rih lo , a mah pumpak zung chuah nak thong chungah , zung nih an chuah mi hna pawl cu zalong ten ton khawh si lo. Biaceihbawi a rat lawng ah zung in chuah si i biaceihbawi nih check hlat dih hnu ah biaruahnak nawl um lo in kal pi than a si. Cu ruang ah Daw Aung San Suh Kyi hmai ah a mah pumpak he tonnak nawl hmuh ding ah biaceihbawi cu nawl a si na in biaceihbawi sin in zei hmanh chim mi a um hlei lo .

Daw Aung San Suh Kyi he mipum in ton khawh nak ding ah sihni hna nih thaten nawl nak an tuah hi a si.

Sihni hna he tonnak nawl pek le pek lo kongah nihin tuah kel online in zung ton biaruahnak ah biakhiah nak pakhat cu tuah ding a si na in, zung in ra mi palik cu biaceihbawi nih bia hal nak a ngeih tik ah cunglei ah a dot dot in langhter a si ruang ah biakhiah nak tuah khawh a si lo.

Daw Aung San Su Gyi humhimnak ding le Covid zawtnak chawnh khawh nak lam a um caah sihni hna he tonnak nawl kan pek lo nak a si tiah ralhrang rallokap lei in biachim nak nawl ngei tu Zaw Min Thun nih ram dang news thlah nak interview ah a chim.

Sihni phu lutlai si mi U Khin Mawng Zaw nih cun sihni hna he ton khawh lo nak ding an chim mi kong ah, co hlang lo in sihni le sual puh a si mi ton khawh nak ding cu phung ning te in sual puh mi i caan tha a si tiah a chim.

Rampi ruahnak petu si mi Daw Aung San Suh Kyi cu rallokap hna nih sual puh mi phun tam pi he pakhat hnu pakhat aa chap chin leng mang , Naypyidaw ah sual puh mi a phun 6 le Yangon zong ah a sual phawt 1 a um tiah U Khin Mawng Zaw nih a chim.

Daw Aung San Suh Kyi sual an puh nak pawl cu …… Laiawn um lo mi Walkie-talkie lamkal in biachim mi seh cawk mi an hmuh, Covid zawtnak ah zulh ding phung an tuah mi a zulh lo nak kong, pehtlaih nak phung zulh lo in a um mi, mipi hna daitein um kho lo ding ah timh lamh nak a ngeih mi le cozah secret act upadi hna an si.

Cozah secret pawl act upadi cu thong kum 14 tiang thlak khawh a si.

Crd- The Chin Post.