Minchian,Taloh khua nizan ah an tlaihmi Sianghleirun kai lio a nunnak a liam!

Minchian,Taloh khua nizan ah an tlaihmi Sianghleirun kai lio a nunnak a liam,a ruak hlam dingin chungkhar theihter. Minchian peng,Taloh khua ah nizan ah ralhrang nih an tlaihmi sianghleirun Mg.Zen Ko Tun cu a nunnak a liam i chungkhar hna cu a ruak hlam dingin an theihter hna tiah khuami hna le Minchia Sianghleirun hna sinin theih a si.

May be an image of 3 people, people standing and outdoors

Minchian GTC sianginn a kaimi Mg.Zen Ko Tun Ngingtai khua,ni zan Taloh khua ah an tlauh i,ralhrang kutin a nunnak a liam,chungkhar hna cu a ruak hlam dingin an theihter hna tiah khuami sinin theih a si.

May be an image of 1 person, standing and outdoors

“A nih hi hliam a tuar,mah cu thlopbual lo in, an tukvelh caah a nunnak a liam tiah zumh a si,a ruak cu fianghlang in zoh hnu ah thawng kan in thanh than te hna lai,tiah Minchian khuami pakhat nih a chim.

Crd- The Chin Post.

Relchap: KIA le Ralhrang Zaankhua dei Bak An i Kap Ve,Nihin Kahdohnak Thawngpang!

Kachin ramkulh,Mansi pengah tuzing suimilam 9 hrawngah ralhrang rallokap nih KIA cu vanlawng in bomb an rak thlak hna tiah khua mi sinin theih a si. Mansi pengah zahan in i kahnak a fak tuzing ah vanlawng in an ra kah hna tiah khuami hna nih an chim.

“Zaankhua dei an i kap tuzing zong an i kap,zing suimilam 9 hrawngah a dai,chikhat te vanlawng in an ra kah hna,tu ni cu vanlawng aw voikhat hmanh kan thei lo tiah” a chim chap. Ralhrang rallokap nih i kahnak pawng hrawng khua le vengah umhmun an khuar tiah khuami sinin theih a si.

Myanmar rebel group, Kachin Independence Army, says it shot down military helicopter - The Economic Times

Mansi pengah nizan in KIA le ralhrang rallokap i kahnak a chuak, a tu caan zongah i kahnak pehzulh in a fak tiah theih a si.

Crd- The Chin Post.

Relchap: China Hi An Rak Mak Kho Tak Tak Dah Ngai, Covid-19 A Rak Chuah Ning.

Tulio vulei cung khua zakip ah a leng mi covid-19 zawt nak hi China Ralkap- People Liberation Army (PLA) nih 2015 ah khan Biological hriamnam pakhat ah ser khawh a si le si lo an rak buaipi cang tiah UK le Australia Media pawl nih an thanh.

Vulei nih a buaipi mi Covid-19 a rak chuah nak taktak hi Vulei cung minung pawl sinah a tu tiang biahal nak a um peng mi a si.

UK le Australia Media pawl nih China ralkap PLA nih Covid-19 hi Biological Hriamnam pakhat ah tuah khawh a si le si lo 2015 in an rak buaipi cang tiah a thanh. An thawng theih mi hi US State Department nih Taluk biathli an kawl hnu in an theih mi a si tiah an chim.

Covid-19 hi tlau lei nakin zual lei a panh deuh deuh rua ti awk in a um. Hmunkip ah a karh chin chin caah UK le Australia Media hna nihcun zawtnak nih vulei pi a karh hlan ah China cu mah zawtnak hi Hriamnam ah hman ningcang hi an rak ruah diam cang tiah an chim.

An bia lak nak US State Department nih China Sciencetist pawl nih hin Vulei Ralpi pathumnak cu Biological Weapon he i doh a si cang lai nak kong chim in mah bantuk hriamnam an ngeih khawh a si ahcun kan ralram Health System cu a chia dih lai tiin an Ralkap pawl zong an rak cawng cia cang tiah UK Media nih a chim

Mah lawng si lo in Kum 2013 ah Vuleicung a buai ter tu SAR zong Minung ser mi a si kho ko tiah a chim chih.

Mah kongah hin Defence lei mithiam Col.Rohit Dev (Rtd) nih “China nih hin Vulei chawlehnak chiat ter dingin tan a lak zongah thil mak a si lai lo. Biological hriamnam hi a ral doh nak ca zongah an rak hmang cang” tiin a hmuh ning a chim.

Mithiam pawl nihcun UK le Australia Media nih an biachuahnak in China nih WHO mithiam pawl an Biological hriamnam ser nak hmun tha tein an zoh ter duh lo mi zong kha thil mak a si lo tiah an chim ve.

Covid-19 hi Wuhan i Wet Market in aa thawk mi a si tiah chim a si nain fiannak taktak a nei kho rih lo. A tu UK le Australia Media hna nih China an puh nak zong China nih cun a dik lo mi a si tiin aa pheh tiah theih a si.

Crd- The Chin Post.