Mizoram chung ah Myanmar refugees dongh loin an lut pengrih ko, an um nak hmun hna le minung um zat, Mizo Unau Upat tlak an si, adih lak minung cu?

Tu lio ah Mizoram naih bik Chin State-in  Chin National Force(CNF) le Chinland Defence Force(CDF) hna le Myanmar ralkap ikahnak ruang ah nun himnak duh in Mizoram ah refugees mi nung 540 an tlingcang, Ramtang ah um lio minung 254 hrawng an um fawn tiah report ah langhter asi.

Tipi khat lei Group YMA Secretary sin in report ning ah cun, Myanmar buainak ruang ah Mizoramah himnak duh ah azam mi hna hi minung 540 le Tiau tiva kam, Mizoram lei nainak ah minung 254 hrawng an um tiah thei asi, Refugees arak lut thar mi hna hi Farkawn ah minung 193, Chawngtui East ah minung 148, Vaphai ah minung 96, Khawbung ah minung 68 an um tiah report ah langhter asi.

Refugees akirthan mi hi zeimaw zat an um fawn tiah thei asi, minung zat belte theih fian asi lo, fian khawh ding in YMA hna nih hmalak peng asi tiah report ah alanghter, Mizoram hmunkip an umnak ah local NGO’s hna nih asi khawhnak chung in ei le din, um kalnak tawlrel piak asi pin ah hnangam te in an um hna tiah thei asi.

Atu ah hin Chawngtui nih 70 khua hna ah alut mi, minung 148 hna umnak ding ah School le Field hna ah buk tuah piak in riahnak hmunhma an tuah piak lio asi tiah Chawngtui YMA hruaitu sin in thawngpang theih asi.

Feb,1,2021 nikhat in atu tiang Chin state in Mizoram ah himnak duh in azam mi refugees hi minung 15,00 leng an um cang tiah news report nih fiangte in cathannak ah langhter asi.

Mizoram kan Unau hna sin ah lawmnak bia chimcawk lo leiba kan ngei timi hi rak kan thei piak ding ah kan nawl hna, kan philh kho tilai lo.