Myanmar ralzam mi hna caah kan unau Sangau nih an umnak ca ding ah in an sak piak, Hnathial Adventist hna zong nih hma an lak piak ning hna hi,

Nihin ni tiang ah hin Sangau khuachung ah Village Council 4 umnak hmun ah Myanmar lei in ral zam mi hna chungkhar 148 an si cang, members in minung 702 an um lio asi, an umnak ding ah hin atu bantuk in khuachung hna nih in an sak piak ko hih! Ramri nih akan dank o hmanh ah miphun sinak adang thlei lo timi cu fiangte in alang ko, kan cung ah dawtnak le zangfahnak angeih mi vialote hna hi bawipa tu nih alet tampi in achamh te ko lai, ralzam mi hna nih cun zeihmanh tuahpiak khawh mi an ngei lai lo timi cu afiang ngai, zei asi zong ah Bawipa tu nih ump ihram ko hna she.

Hnahthial lei zong ah Myanmar ralzam mi hna caah tiah, Adventist Community Services (ACS), Mizo Conference of Seventh-day Adventist hna nih hma an lak cuahmah fawn hna tiah theih asi, In chung hna ah an hman ding mi um le kheng ti bantuk hna, hni puan ti bantuk hna le tangka zong tampi an hmuh hna, Myanmar ralzam unau hna caah Mizo ram unau hna nih bia tak tein, akan cawlcang piak kong ah chim ding a um lo, kan lawm tuk hringhran ko timi hi kan chim khawh tawk asrih ko.

Lunglei lei zong ah Myanmar ralzam zei maw zat an phan hna, mah hna ca zong ah ni fatin ei le din an tuaktan piak, cun an umnak ding te hna zong khua an khan piak hna tiah theih asi fawn, Tipi ral Group YMA hna zong nih bia taktein Myanmar ralzam mi hna zawn ruah in, an umnak le an ei/din hna tiang an pek, in hna an sak piak fawn Mizoram hmunkip ah Myanmar ralzam umnak vialte cu, kan Unau Mizoram hna nih zei zong vialte medicine hna tiang an tuaktan piak ko, timi kong theih ah hin lunglawmhynak mitthli atla ko, Bawipa nih alet tampi in thluahchuah an chuah ko lai e.

Thanghmingliana Renthlei AIR Corr.