Nancy Pelosi nih Taiwan atlawng/visit ah cun an icitnak van lawng China nih ka kap khawh Taiwan zong an um sawh sawh ti lo tih anung mi bomb hmannak idohnak dirhmun asi cang,

Nancy Pelosi nih Taiwan atlawng/visit ah cun an icitnak van lawng China nih ka kap khawh Taiwan zong an um sawh sawh ti lo,

China le Taiwan US boruak hi arit ngai ngai ko cang, China nih August ah House Speaker Nancy Pelosi nih Taiwan tlawng/visit a tim mi cu, an in hrocer tuk cang hna, China Air Space khar bak in – Nancy Pelosi acitnak vanlawng kah thlak an tim bantuk in, bia adarh/thang ngai ngai hna khi asi, Sihmanhselaw US officials hna nih cun mah thil cu aphan taktak azum lo pin ah, anrak ngai pawi mawh lem lo khi asi ve fawn.

Nancy Pelosi nih Taiwan a tlawng ah cun US nih hriamnam le thil dang hna in Indo-Pacific cu thatuk in an ven lai, US officials hna nih zei bantuk hriamnam dah an hman lai- Fighter jets, ships, surveillance assets etc zei dah an chuah pi lai timi an chim duh lo kha asi, Pentagon lei nih, multi-domain task force, missile, electronic & cyber capabilities hna an chiah lai tiin, Japanese news outlet Nikkei News nih atu bantuk in an langhter mi asi, China nih hin an chim bantuk in an cawlcang ngam taktak lai maw timi hi acana phan hlan ah cun chim khawh asi lo.

Mahruang ah hin West le China karlak ah zei maw thil a um sual ah cun Nuclear Weapons Idohnak achuak khawh khi asi, US House Speaker Nancy Pelosi tlawng ngei ngei tim asi ruang ah, Taiwan Strait boruak a rit ngai, Russia Ukraine idohnak karlak ah, China nih hin thinhung ngai ngai in can ahmang lio khi asi, UK National Security Adviser Stephen Lovegrove nih ‘Security Order thar a um khawh kong achim pin ah, China le Russia hna nih hriamnam tha le tih anung mi, an tuah peng fawn ruang ah West pawl he zei maw chuak palh nak, tim lo deuh in a um khawh, mah cu Nuclear Weapons war a chuak khawh” tiin warning apek bak khi asi.

Nuclear Weapons idohnak tih anung ngai ngainak chan cu, Super powers ram hna karlak power ngeih tam duh ruang ah, ibiakchawnhnak atlawm deuh deuh, Iremhnak tha ngeihnak in Iremh lo deuh peng dirhmun asi fawn, timi hi Center for Strategic and International Studies Washington DC ah, Mr Lovegrove nih a chim chih, mah pin ah “NATO pawl fehnak zong achia deuh deuh tawn khi asi.

Bipolar international order, Cold War, in a um Nato & the USSR hna nih cun, zei maw tiin theihthiamnak an ngeih ruang ah hin, Nuclear Weapons War a um khawh lonak ding ah. nain  atu lio vawlei ah hin mah can lio ah, foundation fek ngei kha a um kho ti lo, West pawl hrocer pengtu China le Russia nih hin Nuclear weapons war hi an chuahter sual lai timi hi asi, disinformation hna hi arak darh sual lonak ding hi biapi ngai ko cang ati.

Mah boruak rit ngai ngai a um lio ah hin Taiwan zong nih an ituaktan ngai ngi ve fawn cang pin ah, Taiwan President Tsai zong nih China invasion hi tuar cawlh khawh dirhmun asi cang caah, China Taiwan karlak rilipi hmunhma hna azoh cuah mah lio khi asi, Nihin zong ah Taiwanese Military Forces ten Military Drill/ China invasion ding lak ah ivennak ding Exercise an ngei ngai ngai cang, Taiwan President amah hrimhrim Fighter ah icit in an pawng kam hmunhma hna le Military base hna an tlawng/visit khi asi, an hriamnam ngeih mi thatha le Air ship hna tiang ready dih ding in nawl achuah fawn cang khi asi.

Ref: Asian news