Nihin CNF An Headquarter In An Chuak!

Nihin ah CNF nih An Facebook page ah an Headquarter in an chuahnak hmanthlak an langhter. CNF/CNA nih hin a lang in si loin a thli te le lang lo tein Ralhrang an rak doh peng hna. A cheu CNA hna cu KIA bawm dingin an kal i KIA sinah Ralhrang an va doh hna tiah thawngpang zong kan theih cio hna. Hi dohnak ahhin CNA lei in a thimi 2 an um cang hna. A tutan Mipi nih ceihphai takmi CDF zongah hin CNF/CNA cawlcanghnak ai tel ve tiah bialeng a um nain CNF lei nih cun fiang tein an chim ve rih lo.

May be an image of 1 person and outdoorsMay be an image of outdoorsMay be an image of one or more people, people standing and outdoors

Arakhan Army zong nih nizaan ah khan an min tein chuak in Ralhrang an doh ve cang hna tiah thawng kan theih. Nihin ah hi bantuk in CNF/A an headquarter in an cawlcanghnak hmanthlak kan hmuh tikah ahhin CNF/A min top in Ralhrang doh ve an timh a si cang ko lai tiah zumhnak a tampi. CNF/A hi an tlintlak loin kan hmuh hna zongah mipi nih thazaang pe chin lengmang ko hna uhsih. Kan Chin Ralkap kan ngaihchunh te cu pei an si ve cu. CNF/A Bawipa nih dirhpi peng ko hna seh!

May be an image of 1 person, standing and outdoorsMay be an image of one or more people and outdoors

Crd- The Chinland Post.

Relchap: Hakha CDF Nih Ralkap le Palek Sakhaan An Kah, An Laak Piak Hna!

Chinland Defense Force- Hakha nih 2021 May 8 ah Senthang Peng Surkhua khuapi um ralkap le palek kah ding in an kal hnawh hna nain ralkap le palek an rak tli dih manh i an sakhan tu an khanghpiak dih hna tiah thawng kan theih.

May be an image of sky, tree, mountain and text

Hi kong he pehtlai in, “An sakhan lak ding in kan kal. Kan phak ah anmah ralkap le palek hohmanh an um ti lo. An rak zaam dih manh. An minung cu an zaam dih nain an sakhan ning in mei kan duah,” tiah CDF chungtel pakhat nih The Hakha Post ah a chim.

Surkhua ah palek minung 12 le ralkap minung 5 an um. Hriamnam tha a dang an la kho lo nain, nam le a dangdang tu cu an laak tiah theih a si.

Crd- The Hakha Post.

Relchap: SAC Ralkap Vanlawng nih Anmah Ralkap pawl a Kah Sual Hna, SAC Ralkap Tam Tak Tak an Thi!

May 6 ah SAC ralkap Fighter Jet pakhat nih Kachin ramkulh, Moemok peng chung ah anmah ralkap pawl a kah sual hna caah SAC ralkap 30 leng an thi, tiah KIA chimnak nawlngei Colonel Naw Bu nih a chim. Moemok peng chung i SAC ralkap bu minung 100 leng kha KIA hriamtlai ah an ruah hna i SAC ralkap Fighter Jet nih Van in a kah sual hna hi a si.

May be an image of bird and nature

Col. Naw Bu nih, “Moemok peng chung ah anmah le anmah vanlawng in an i kap sual. SAC ralkap 30 leng an thi. A dang 80 leng hliamhma an pu hna,” tiah a chim. May 6 ah KIA nih SAC ralkap pawl hmun 3 ah an doh hna i SAC ralkap 200 leng hliamhma an pu i, a thimi zong an tam ngai, tiah Kachin thawngzamhnak nih an ttial.

Crd- The Chin Journal