Nihin Surkhua Ah CDF nih Ralkap Sakhaan le Thilri An Khanghmi Pawl. (+Photo)

Nihin zing ka suimilam 11 :30 hrawng ah Laitlang ,Surkhua ah ralhrang rallokap umhmun cu CDF- Hakha nih an lak i rallokap pawl um nak hmun inn 4 le ca pawl cu mei in an khangh. Minung caah har nak pe kho tu hriam hna zong an lak.

May be an image of standing, fire and outdoors

May be an image of standing, fire and outdoors

Chinland Defense Force- Hakha nih 2021 May 8 ah Senthang Peng Surkhua khuapi um ralkap le palek kah ding in an kal hnawh hna nain ralkap le palek an rak tli dih manh i an sakhan tu an khanghpiak dih hna tiah thawng kan theih.

May be an image of one or more people, people standing, tree and outdoors

May be an image of one or more people, people standing and outdoors

Hi kong he pehtlai in, “An sakhan lak ding in kan kal. Kan phak ah anmah ralkap le palek hohmanh an um ti lo. An rak zaam dih manh. An minung cu an zaam dih nain an sakhan ning in mei kan duah,” tiah CDF chungtel pakhat nih The Hakha Post ah a chim.

May be an image of fire and outdoors

Surkhua ah palek minung 12 le ralkap minung 5 an um. Hriamnam tha a dang an la kho lo nain, nam le a dangdang tu cu an laak tiah theih a si.

May be an image of outdoors

Crd- The Hakha Post.

Relchap: Mizoram Chung Vialte Total Lockdown Asi Dih Cang Lai!

Covid zawtnak lak in kan i veng khawh deuh nak ding caah tiin Mizoram chung Total Lockdown Order cu zahan ah Cozah nih a chuah. Kan umnak khua cio chuahtak khap a si. Um nak khua hi chuah khap a si nain, zei poipang ahcun Task Force pawl theihpinak in kal khawh a si. Tiva kal, Picnic le Lentecelh tibantuk belte khap a si.

Mizoram cu hmaizarh thawk in Total Lockdown a si lai

Mizoram ah a lut ding mi hna cu cozah nih a honmi kutka lawngin luh a si lai, Pass ah min cazin pek ta ding a si lai i, Rapid Antigen Test ngei ding a si. State dangin thilri a rak phorh mi hna cu khua luh hlan ah chuankhin le ei a si lai i, kir colh ding a si lai.

Cacawnnak le biaknak lei pumh nak vialte khar a si, thitumhnak le mithi vui nak ah minung 30 leng pumh khawh a si lo. Zapi umnak Lakphak dawr, lentecelh nak tibantuk hmun vialte khar a si. Aizawl Municipal Area le district hmunpi ah a um mi hna cu an inn/pawngkam chuah khap a si i, thil herh tuk ah chuah duh a si ahcun task force pawl sinah nawl hal ding a si.

Covid-19 zawtnak i ven dingah Mizoram lockdown May ni 3 in kalpi lio mi hi May ni 10 zinglei suimilam 4 tiang a si i “lockdown” ti a si i mah dih in May ni 17 tiang “Total Lockdown” hi peh colh a si.

Crd- The Chin Post.