Nihin Up date news ah Mizoram CM le Assam CM cu Social media-ah pakhat le pakhat bia ilehnak kong hi,

Nizan 26 ah Vairengte khua pawng ah thil cang mi kong ah, Mizoram chief minister Zoramthanga le Assam chief minister Himanta Biswa Sarma hna cu social media Twitter hmang in bia an ileh ning cheu khat hna cu, State pahnih chief minister-hna hi naite ah khan hmarchhak state chief minister dang hna he, Union Home minister Amit Shah hruainak in Shillong-ah an itawn hnanak ah ramri kong cham asi.


Assam palik hna cu Vairengte ah lut in Mizo mipi he buainak an ngeih mi hna Video clip tampi achuak mah hna cu, dáiah lut a, Chief Minister Zoramthanga nih Twitter-ah, Central Home Minister Amit Shah, sin ah mah thil cang mi hi rakkan zoh piak velaw, remdaihnak ngeih biapi mi kong achim piak cawlh khi asi, Mizoram lei ara lio mi Mizo nupa, Assam lei nih motor anvuak chiat piaknak video cu, Twitter-ah langhter than in, Assam DGP, Cachar DC le Cachar Police-hna zong theiter le (tag) cawlh asi fawn.


Assam CM Himanta Biswa Sarma nih Mizoram CM cu Twitter hmangin a leh ve cawlh, Pu Zoramthang, Kolasib SP nih hin kan ralkap hna an with draw/kirter hlan cu, mipi hna nih hin Palik hna bia cu zei an rel piak lai lo tiin a chim, mah bantuk boruak karlak ah zeitin dah Acoyah nih akalpi khawh lai? tiah Mizoram acoyah cu mipi control kho lo asi tiah a puh, Assam CM nih hin Amit Shah le Prime Minister Office cu theiter cawlh in aran khawhnak chung in remdaihnak rakkan tuah piak kho ding ah beiseinak ka ngei ati.


Himanta nih hin Zoramthanga sin ah, “Civil mi hna nih atu bantuk in buainak chuahter antimh, civil mi hna nih an mah te in nawl ngeihnak an ituah mi cu, Acoyah pahnih hna nih zeitin dah remdaihnak kan kawl kho lai ati, Assam CM nih Twitter-ah Mizoram CM he ibiakchawnhnak ah Assam-nih tu hlan dirhmun ning in (status quo) an pawm timi le state 2 iremh aduh kong langhter asi, A her ah cun Aizawl ah rat zong ka duh ko tiah ati.


Mah kong ah cun CM Zoramthanga nih aleh ve ning ah, “Pu Himanta, kan rak chim cang bang khan, Assam police-hna hi mipi himnak ding ah Vairengte in withdraw kirter siseh tiin an chim mi cu, prime minister Narendra Modi le Home minister Amit Shah hna sin ah chim (tag) cawlh asi.