Ram uktu nih khawkhan lairel thiam lo cu mah dir hmun hi asi, Mipi thin hunnak a puak taktak cang control khawh asi ti lo, “Sri Lanka”
Tukum hramthawh in athawk ko cang, Sri Lanka ram chung chawva le Economic atluk chiatnak effect kal peng mi cu, Saturday ah kahn Acoyah lak ah mipi lung awi lo mi sang tampi hna nih, Colombo khuapi ah kal khawm mi hna nih cun, President Gotabaya Rajapaksa umnak In venhimtu ralkap/police hna he sau ngai an ithuat hnu ah an lut khawh khi asi, President le a chungkhar hna hi mah ni hlan ah hin, an sahimnak kawl in anrak chuak diam manh khi asi rua? Mipi lungawi lo hna nih President umnak in chung lut mi hna nih an ram flag he, President umnak in ah an duh ning in an cawl cang khi asi ko, cheu khat hna nih swimming pool Olympics standard size ah ti an hleuh hna khi asi fawn, furniture cangkang taktak mi phun dang dang hna le thil dang tampi hna cu an duh tawk in an tong hna pin ah tampi an chiatter khi asi.
Mipi lungawi lo mi hna nih hin Prime Minister Ranil Wickremesinghe umnak I zong mei an khangh piak fawn, mah hlan ah hin PM Ranil hi all party meeting ah tel in party vialte telnak (unity government) dir asi khwah nak ding ah PM sinak in abang kha asi, Sihmanhselaw Sri Lanka ah hin Economic arak tlukchiat tuk cang ruang ah hin, Mipi hrimhrim nih Uktu hna hi an duh ti lo khi asi cang, Sri Lanka ram buainak a hramthawh bik cu, an ram khawkhan laireltu hna nih hin mipi thanchonak le mipi covo nak in, an mah hruaitu hna nih nawlngeihnak hmang in an mah zawn ruahnak le an chungkhar hna zawn ruah in rian an tuan ruang ah asi, mipi sin ah dik lo ngaingai in thim can ah a zuar tawn mi khi asi a poi bak ko.
Mah cu An Biaknak lei Tlang Bawi (Budhist monk) hna nih an țan tlat ruang ah asi pin ah, umzia ngei lo in tax/ngunkhoi an laknak niamter in, mah Effect cu ram dang dang hna le International agencies hna sin ah tangka an coi mi Leiba an chamh khawh lo pin ah, ngeih cia mi chawva cu kan theih ceu bang in ahman nak hi cu fawite khi asi, Incomes tangka lut than ding ah zei hmanh source angei ti lo tik ah, mah cu an ram mipi sifak retheihnak khur chung ah an luhpi khi asi, mah hi asi Ram uktu khawkhan lairelnak thiam lo mi nih ram an uknak result cu harsatnak le ei/din ngei lonak, Economic tlakchiatnak kan timi hi ram nih an tuar tawn mi bak asi, cu cu atu ah atkatk in in Sri Lanka ram le mipi nih an tuar taktak ko khi asi, zeitin dah an kal peng lai?
Majority party leader hna le mipi khawkhan nak cu:-
- President Gotabaya Rajapaksa le PM Ranil Wickremesinghe hna cu an sinak stop/bang cawlh ding asi.
- Speaker-nih ni 30 chung President rian a tlaih lai.
- Parliament nih MP hna chung in President ding a thim lai.
- ACoyah/Interim hi all party telnak in dir asi lai, Thimnak cu aran khawhnak chung in tuaktan ding asi.
Mah ram buainak nih hin zei tik tiang dah can asau lai theih asi lo, mi mi rethei /sifak hna nih zei tluk in dah an tuar rih lai? Atu nak thuk deuh in China nawlngeihnak tang ah an kun lai maw? Asi lo aah thlanglei ram hna nih hin China sum tangka sal ah atang lio mi hi zei tin dah asi lai, an chanh lai maw? Zeihmanh theih asi fawn lo, Sri Lanka buainak cung ah atu ah hin Vawleipi mit fuknak asi rih ko caah zei thil dah achuak te hnga? kan zoh phawt lai cu!.
Source : The Tribune#The Times of India