Russia zong daite in a um kan ti lio ah atu cu Afghan ram chung in ralkap an lak dih mi cu pawngkam ram hna caah buainak asi tiah,

Afghanistan ram buainak azual sinsin cang lio ah, Russia arak holh ve bak ko cang, mah hlan ah khan rak chim ve selaw atha ngai ko nain, Russian Foreign Minister Sergei Lavrov nih cun, US led coalition hna an tlungter cu, Afganistan ram ca long silo in pawngkam ah um mi ram hna ca zong ah, buainak asi tiah ati, mah thil hi zoh sawhsawh angah lo vawleipi buaitertu zong asi lai ati.

Uzbekistan ah Afghan President Ashraf Ghani he itawnnak ah, US Mission tuah mi hi tlam atling lo timi cu kan thei dih ko, US and NATO troops hna an lak ruang ah, Pawngkam ah a um mi ram hna caah security tiang buaiter tu asi, Afghanistan ram chung le ram leng tiang buaitertu asi timi hi kan hmuh ceu kolio asi hih ati.

Taliban hna nih Afghanistan ram 90% hrawng cu an uk cang, Afghan acoyah he August 31 tiang ceases fire ikah lonak ding le Taliban fighters 7,000 hrawng an tlaih mi hna chuahter ding ah an timi cu, Russia nih zarh hmasa ah khan Taliban Representative anrak luhter, Taliban ruang ah ex-Soviet Central Asian countries, Russia in Military base a ngeihnak hna zong an buai ngai tiah thei asi.

Ahmsa ah Joe Biden nih Afghan ram chung in ralkap force hna kan lak dih cang lai ati lio ah, keimah zeihmanh peh tlainak a um lo ti phun in daidep in a um ko le, atu ah cun Afghan mipi hna nih anrak tuartuk cang tik ah a um kho lo khi asi ve cang rua, arak holh ve khi asi, ralkap an lak ruang ah pawngkam ah um mi ram hna ca zong ah buainak tamtertu asi pin ah vawlei ca ah hngangam nak a um lo atiah ati.