Tukum Kachin state Suamprabom le Engyang-ah sazu atamtuk ruang ah facang an ei dih tiah thawngthanh asi,

Tukum Kachin state Suamprabom le Engyang-ah sazu atamtuk ruang ah facang an ei dih tiah thawngthanh asi,

Kachin State-ah Suangprabom le Engyang township-ah sazu a tamtuk ruang ah, khuate lei lo facang cinnak hmunhma vialte hna cu, zu nih a ei chia dih tiah Suangprabom hrawng ah lo ngeitu hna nih an chim mi khi asi, Suamprabom khua ah lo ngeitu pakhat nih facang hmun vialte adih lak in achia dih caah, tukum ah facang kan ngei lo ah cun hmai kum ah ei/din kan ngei lai lo, harsatnak kan ton hrimhrim ko lai tiin achim.

Kan umnak khua dang dang hna zong ah facang hmun vialte ah hin, zu atamtuk hringhran ko, thah dih khawh zong asi lo, zan khat ah facang an eichiat mi hi aturu tuk tih ngaihnak a um lo ati, Acre-in kantuak ah cun atamtuk lai azat belte cu fiang in chim ahar ko nain, hmaikum cu chim hlah tukum hmanh ah hin, atu bantuk dirhmun kan si ah cun ei ding kan ngei lai lo an ti, mangtam atlung sual lai tiah phan a um ngai ngai ko cang.

Facang man afak chinchin cang fawn, aphurh nak man atam fawn, Irrawaddy tiva khat lei ah Enginyan lei he kal khawhnak lam achia tuk fawn, mahruang ah cun, Atu ah hin facang bag khat hi Myanmar Ks. 100,000 man hrawng a sic ang tiah ati, July thla hnu ah khan facang hmun ah zu vwaikhat ah khawika in dah arat 100 hrawng bak hi arak lut kha asi, atu tiang atam chinchin caah facang nih atuar bak ti lo akung longlong hmuh ding a um cang an ti.

Suamprabom khua ah mi pakhat nih facang hmun hna cu zu nih a eichia dih khi asi, lo ngeitu hna cu lo hmanh ah an kal ti lo tluk khi asi cang tiin achim, Suamprabom khua le, Kachin state thlanglei ah cun, kum 1973 in kum 1984 tiang ah khan zu a rak tam ngaingai twannak asi,  Kum 2014 census ah khan Suamprabom township-ah hin minung 2546 an um, Engyang township-ah minung 1732 an um fawn tiah report ah an langhter mi asi.