Ukraine President arak chim cang bang in Crimea le Kherson Counter Offensive lak than asi lai tiah atim mi cu atu ah an ithuat nak afak ko cang hih!
Ukraine President arak chim cang bang in Crimea le Kherson Counter Offensive lak than asi lai tiah atim mi cu atu ah an ithuat nak afak ko cang hih!
President Zelensky nih Kherson an lak than ding le kum 2014 ah Russia nih an lak cang mi, Crimea zong an lak than lai kong arak phuan kha kan theih ceu ko kha mu, Zelensky nih hin a chim sawhsawh lo athil tuah timnak ah afiang ko, mah cu tlamtlingter ding ah atu ah hin hramthawh asi cang, Kherson hmun hi lak than cu afawi lai lo timi atheih ko nain, Armed Forces of Ukraine “AFU” zong an ralthat nak an chuah pin ah, pumpeknak le zuamnak he atu ah thuat ding in hramthawh taktak asi cang.
Kherson hmun ah hin Russia ralkap 24,000 hrawng an um nak hmun asi, mahruang ah cun manpower zong ah an tam ngai caah, mah nak in ralkap tam an herh timi an theih caah, AFU lei zong nih ralkap 35,000 hrawng he, Kherson Counter Offensive thuat ding in, Date 30.8.22 ah khan Ukraine ralkap hna cu Kherson thuat ding in an chuak cang, Poland le Eastern Europe ram cheukhat hna nih, an Tank upgade ṭha tak tak mi hna cu Ukraine sin ah an pek mi hna le Western military hardware ṭha bik bik hna cu an chuah pi ko cang.
Kherson Counter Offensive hi “NATO Well plan” an timi asi, US le British intelligent hna he bia tak tein ruahmannak le tuaktan pi asi tiah theih asi, Kherson hmun pin ah Krivoy Rog tiang in, mah idohnak nih hin aphan ko cang khi asi, mah ithuatnak nih hin AFU hna pin ah, Foreign mercenary hna zong zei maw zat an tel fawn tiah theih asi, Ukraine lei hi hriamnam tha he an thawk chuak fawn cang khi asi, Russia lei cu hnulei pan in an ithawn/back cuah mah cang tiah, Ukraine ralkap thawngthanhtu zong nih “Russian defensive line kan break khawh cang e” an tive ko cang hih! Russia ralka hna nih an position an zamtak dih pin ah, an hriamnam zei maw zat zong an zamtak dih khi asi cang fawn tiah news report ah an langhter.
Russia ralkap hna zong hi mualpho tuk in um cu an duh ve bak lo, retreat lo in an kir/back ko hmanh ah, counter attack hmang in an thuat ve peng rih ko khi asi ve, AFU lei zong an tuar ve ngai ko rua, ni 30th August in 1st September chung ah khan Ukraine nih, Tank 94 an sung, AFU le foreign mercenary 2,000 hrawng thi le hliamhma ngei an um, Independent journalist pakhat nih “Kherson counter attack is a suicide mission for Ukraine” a ti ve bak, Ukriane nih hin ralkap le hriamnam an pin ah ram pakhat hmanh an lak rih lo a ti.
Naite ah khan Ukraine ralkap hna hi hmun dang dang hna ah, an cawlcang ning hi afak deuh deuh ngai ko cang khi asi, nain atu dirhmun ah hin tlamtlingnak taktak angeirih lo hmanh ah, thazang thlah bak lo in hmai lei pan in an kal cuah mah ko tiah theih asi, Nizan hrawng ah khan Zaporizhzhia nuclear power plant lak tim in, Ukraine Commando (Britain ram chung ah training an pek) minung 400 hrawng hna cu, Russia ralkap hna he an ithuat ngai ngai hna khi asi fawn, zei thil dah aphan cho than te lai thil fiang in chim ahar ngai rih ko.
Russia lei zong hi an sung ve ngai ngai fawn khi asi, Russia hi teinak hmuh ah phuan ding ah cun atuan deuh rih ko an ti, atu ah hin Ukraine hi an cawlcang ning zoh ah hin, Western backup nak hriamnam hna le intelligence information tha taktak in an ngah fawn khi asi caah, an ram an sung cang mi hna hi an lak dih khawh than khawh dirhmun asi ve ko tiah mithiam hna nih an hmuh ning le an tuaktan ning zong asi ve khi asi ve thiamthiam ko.
Russia ralkap hna nih an zam tak mi Bomb hna asi,
UN aiawh hna nih Zaporizhzhia nuclear plant hlatthlai ding ah an lut cang,
United Nations (UN) aiawh hna nih cun a vawi khat nak ding Ukraine-ah Zaporizhzhia nuclear plant cu an zoh/check asi cang, an report tlamtling hi atu ah cun phuan asirih lo, UN aiawh hna hi Russia hruainak tang ah an kal hna khi asi, mah hi ram cheukhat nih cu tha an ti lo tiah arak chim chuak hna fawn, United Nations (UN) aiawh hna nih a vawi khat nak Ukraine-ah Zaporizhzhia nuclear plant ah thil umtu ning hna hi, vawlei hmai ah phuan hrimhrim ding asi lai tiah ram dang hruaitu hna nih an duh tiah an langhter hna khi asi.
Zaporizhzhia power plant hi Southern Ukraine-ah um mi asi, Russia- nawlngeihnak tang ah control lio asi, UN nuclear expert hna nih an kal ah hin, Russia aiawh hna nih anrak dawn khi asi, Ukraine President Volodymyr Zelensky nih UN aiawh hna nih hin, thil umtu ning dik, bia dik taktak theih hrimhrim tim ding asi tiah achim, Zaporizhzhia nuclear plant hi Russia nawlngeihnak tang ah a um ko hmanh ah hin, Ukraine mi le sa hna nih an zohkhen mi asi, Russia ralkap hna nih an ven peng mi asi.
UN aiawh chung ah um mi International Atomic Energy Agency (IAEA) member hna nih cun, a zohkhentu Ukraine mi le sa hna zong an ton ve lai tiah chim asi, Ukraine le Russia hna hi Zaporizhzhia le a hrawnghrang ah hin an thuat tawn peng caah hin, ram pahnih hna hi mawhphurtu ah an ipuh ve ve khi asi, Nuclear leak sual maw a um ah cun tih nungtuk asi ruang ah hin, UN nih expert team hlatthlai ter ding in an kal ter mi asi.