UN Assembly-ah Ambassador U Kyaw Moe Tun nih Myanmar ralkap cu vawlei ram dang hna le UN Security Council hrem bak ding in nawlnak atuah ve cang,

UN Assembly a vawi 76-nak ah Myanmar to UN official-aiawh sinak ngeih lio U Kyaw Moe Tun nih Myanmar ram ah Nu le Ngakchia hna, mipi vialte hna cung ah minung covo zah piak lo in, war crime tling bak mi tha zang chuah, thahnak, tlaihhremnak le aphunphun in mipi tuarternak, ethnic tlangcung mi hna cung ah, duhna lo in tlaihhrem an tuarnak vialte hna, military tactic bantuk an cawlcangnak phunphun,  phantertu le an tuah peng lio hi, Myanmar ralkap cu hremnak pek hrimhrim ding ah, ram dang dang hna le UN Security Council-nih nawl angei, mah an nawl ngeihnak cu tlamtlingter ding in nawlnak atuah fawn tiah theih asi.

UN Secretary-General le US President nih UN General Assembly-ah Myanmar kong arak chim ve cang,

2021 UN Secretary-General Antonio Guterres nih, ‘Myanmar mipi hna cu remnak, Upadi ning in nawl peknak ah, democracy le human rights lei caah hin tha thlah bak lo in, kan bawm lai timi hi fiang deuh in chim than ka duh tiin, UN General Assembly a vawi 76-nak, New York, UN headquarters-ah September 21-ah arak chim mi asi, cu bantuk in US President Joe Biden zong nih vawlei cung ah minung hi zalong tein khuasak hi bia pi bik ko, dictator uknak nih democracy tlukchiatter khawhnak lam an kawl peng lio asi, nain an thil hmuh mi hi adik lo ngai khi asi, Bia dik cu democracy hi asi caah hmunkip ah arak um cang, democracy hi atu ah cun Democracy caah hmalak aherh mi, Belarus, Myanmar, Syria, Cuba le Venezuela ram ah cun eihmuarnak adoh mi media hna, human rights humhimtu hna, activist-hna, remnak (peace) humhimtu hna karlak ah a thangcho ngai ngai cang, vawlei minung hna hi kut tlaih bu in riantuanti cang hna u sih tiah ati.

Putao district-ah kum 60 leng asi cang mi hna zong ralkap training an pek,

Kachin state, Putao district-ah military council ralkap hna nih KIA le PDF hna doh ding in, kum 60 le acung hna tiang ralkap training kai ding in sawm an si, military training an pek tiah Putao khua mi nih DVB ah an chim, Khaulanphu township, Shiankhau based local people army hna nih ralkap training-ding ah, Putao township, Nawmon township le khua kip ah kal in Mino hna an sawm, training-ah tel ding minung an hmuh lo caah, kum upa cang mi hna zong training ter an si tiah theih asi, Local people army hruaitu hna nih Putao district 3-ah ni khat ah training tuah ding in mipi an hmuh lo caah, Putao township, Khuanlanphu township training can postpone asi.

Kum 2020 thimnak ah Rawan hnam Ethnic Affairs Minister-ah thim mi U Jan-jaw-ram nih, Kum 60-70 leng hna training ah telter an timh mi cu, international military law buarnak asi ati, mah thil hi thil tha ngai asi tiah facebook page-ah a langhter, Nu pakaht zong nih“Ka pa hawi pakhat cu kan pasal he atluk mi asi, kum 80 a si cang, mah hna zong ralkap training nak ah an auh mi cu ka theithiam bak lo ati, Mah bantuk kum Upa hna ralkap ding ah training pek cu, thi cang ding ah kalter asi deuh ko cang, Putao lei mi hna nih cun FB ah bia tak te in an duh lonak an langhter hna.