Arakan Army hna nih an state cu Independence ding ah an phuan deng mang cang,

AA hna hi tu hlan ah cun an Headquarter kha Kachin ram ah Laiza (KIA HQ) ah khan an um ve ko kha asi, mah hnu ah cun an mah ram chung taktak Rakhine State-ah Mrauk-U lei cu tha ngaingai in tuah asi ko cang kha mu! mah hmun ah cu atu ah hin ralkap thawng sawnga 50,000 leng ngeih asi, cun Reserve hi 20,000 an tling cang, Civil Wing lei he cun tingkhat deng mang an si cang, An Ideology kha ‘Arakanese Nationalism a arak si ruang ah hin, Independence an timh lo ah cun mah zatzat ralkap ngeih cu asi khawh lai maw? an lam zawh ding asau maw asau lo maw timi cu asi ko hmanh ah an timh mi cu tmatling ding in an kalpi cuahmah ko khi asi.

Kan hnu lei Myanmar ralkap he ceasfire an tuah mi cu AA hna nih san tlai ngaingai in can an hman khawhnak cu, ralkap lak chihnak le mipi organize an tuah kho pin ah, an Headquarter cu kauhter le sersiamnak tlamtling ngai ngai in an tuah khawh khi asi, An state chung hmunkip hna cu control khawh dih asi cang pin ah, Independence an phuan ah cun an umtu ning ding position pawimawh mi hna zong felfai tein tuah dih asi cang.

Independence an phuan can ding ah, atu ah hin NUG nih D.Day phuan in NUG acoyah nawl pek in, PDF lei nih bia tak teiin an thuat hna cang timi cu theih ceu asi ko, Myanmar ralkap tha an timi hna zong tampi thah asi cang hna, hmailei ah cun Tlangcung miphun ralkap hna le PDF hna ifawnh in fakdeuh in an thuat chinchin cang lai timi afiang ko, Myanmar ralkap hna zong an lung rethei pah cang tampi cu PDF an joint hna cang khi asi, cu bantuk in palik hna zong an si thiamthiam ko, atu bantuk in rampi abuai lio ah hin Arakan Army hna nih cun Independence cu anrak phuan ko lai khi asi.

NUG or Military Council lei nih Arakan Army țha taktak mi le zei poh ah tlamtling te in ruahmannak ngeihcia cang mi Arakan ralkap hna cu, doh than ding ah tha zang an ngeituk lai lo lio bak ah, mah te in khawkhan lairel ding in Arakan nih cun, Independence kha anrak phuan bak ding khi asi, mah lio ah China nih bia tak tein adirpi lai-i, vawlei ram hna zeimaw zat nih Recognition pek an um ko lai khi asi, atu ah hin Rakhine ram pumpi hi AA hna kut chung ah a um dih mi asi, District khuapi tlawmte Myanmar ralkap le palik hna tlawmte long an um khi asi cang, Aherh ah cun mah tlawmte um mi cu lak ahar bak lai lo.

Tlangcung miphun dang hna nih zeitin dah an ruah lai?
Mah tlangcung ram miphun dang hna, Karen, Kachin le Shan miphun hna nih cun Arakan Independence ding hi an duh pi ko lai maw? asi lo ah zeitin dah an ruah lai? theih asi lo nain an pawmpi hi zumh a um deuh, Arakan Army anrak idirnak lam le Independence an sualpi nak lam ah vawi tampi anrak bawmtu hna kha asi, Karen, Kachin le Shan cu Federal Government-ah an um khawh ah cun lung awinak an ngei ko, asi nain, Arakan belte cu an policy ngeihcia mi kha an kalpi peng khi asi, asi nain boruak hi adang ve kho khawh thiamthiam ko, NUG ah hin member atam U cu, Burmese Kawl hna hi an si ruang ah Arakan ram hi Oil tamnak le facang/thlai thatnak hmun asi tik ah zeitin dah asi te lai timi hi asi ko cang. Karak peh than lai(Chin nih antuar lai ning hna)