Chin Defence Force CDF Mindat tlangval pakhat ram le miphun caah anunnak aliam hlan te ah bia fung pakhat achiah ta mi cu lung akuai bak ko,

Kei cu Federal Democracy hmuh khawhnak caah Myanmar Military Council ralkap hna, ka dohnak ah karak thih sual ah cun, mah bia hi Mindat Township-ah Khua Bawi le kan tuanpi mi miphun ralkap hawi hna caah mah bia hi anrak theih ceu ding ah ka chiah ta mi asi.

1. Thlan mual ah akan vui/phum lio ah zei bantuk sa zong ah nan ei lai lo pin ah, nunnak angeih mi hrimhrim nan thah lai lo, Mipi ahrem tawn mi Military council ralkap hna tilo ah cun nunnak angeih mi fahter le thah lo ding asi.
2. Thlan mual ah akan vui/phum lio ah meithal nan puah lai lo, meithal kuan vialte hi kan ral asi mi sin ah phan dih ko seh, akan kah nak meithal kuan hi mipi vennak ca ding le Myanmar Military council ralkap hna kahnak ding ah hman ding asi.

3. Thlan mual ah akan vui/phum lio ah aho hmanh nan tap lai lo, ka saduhthah thinak ah thi ka si ruang ah aho hmanh nan tap lai lo, hla zong nan sa lai lo, amah belte cu hma lei caah zoh in sual ralkap hna doh ding kong hna, bia sawng ruahtinak in can nan hman te lai.

4. Mah ka thihnak ah hin aho hmanh ka mawh chiat ding an um lo, mah Revolution hi keimah duhnak ruang ah tel le thuat ka si caah aho hmanh mawhchiat ding an um lo, mah caah cun chungkhar le unau hna zong mawhchiat ding an si lo.

5. A dongh tiang idoh kah hi ka duh rih ko na tein, lung dongh lo tein le beiseinak ngeih bu tein kan ram cu Federal Democracy adirthan khawhnak hnga tiah kei cu……
Salai Khu Pa Ling, Khawchhung Battalion, CDF-Mindat