India nih Israel sin in Heron Drones acawk mi cu 4 hna cu Ladakh lei ah an chiah ve bak ko cang, China alulingtuk ruang ah, kum 76 arauh hnu ah apuak,

India le China cu thla 19 chung Line of Actual Control standoff ngeih asi cang, China nih hin Bombers fighter jets, S-400 le hriamnam tampi an chiah ve cang fawn, India zong nih Rafale le tanks tha angeih mi hna zong an chiah peng ve cang thiamthiam, Indian Army hna cu nizan ah khan Israel sin in acawk mi, Heron Drones 4 cu Line of Actual Control, Ladakh ah China cawlcang ning zoh peng ding in chiah asi cang fawn, Heron Drones hi Israel kut chuak hmanh ah atha bik mi pawl asi, a hmasa Heron nak in anti-jamming capability hi a tha deuh,  PM Modi nih Israel a visit hnu ah khan September- October ah khan EAM Jaishankar le Indian Defence lei hruaitu hna Jerusalem ah an tlawng hna peng fawn.

Mah ah hin ’emergency financial powers ‘ hmang in Israel hriamnam zei maw zat cu, New Delhi lei ah tlunpi asi, United States ta 30 Predator drones Rs 21,000 crores man hrawng zong rak phan cawlh ding ah a um fawn, National origin -Israel Manufacturer- Israel Aerospace Industries First fligh- 1994 Introduction-2005 Status -Active, in production Primary users Israeli Defence Force Indian Air Force Brazilian Federal Police Turkish Air Force Variants -EADS Harfang IAI Eitan, Avionics Services Caçado.

German Munich ah Ralpi vawi hnihnak lio ah Britain nih bomb an thlak mi cu puak lo in kum 76 hnu ah arak puak than minung pali faktuk in hriam hma ngei,

Nihin ah khan Munich, Germany ah central railway station lam tuah thatnak ngeih lio ah, vawlei tang thuktuk lem lo nak ah um mi, British aerial bomb cu arak puak khi asi, bomb puahnak hmun ah hin ni dang bantuk si lo in minung an tlawm lio arak si, mah bomb hi investigation tuah hnu ah KG 250 ah rit asi tiah thei asi, vanchiat vanthat ah minung 4 hna cu fak ngai in hriamhma angei tiah report nak nih alanghter khi asi, Tu hlan bantuk in riantuantu tampi kal hna selaw athi mi kan tam ngai ko lai tiin nawlngeitu nih news report ah an langhter khi asi.

US le Britain Bomber planes hna nih khan 1943-1945 chung ah khan Germany ah hin Bomb 1.7 million ton hrawng an thlak manh hna khi asi, US airforce record ning in mah chung ah cun 15% hna hi puak lo in a um tiah an ti, vawlei tang feet 6 in feet 10 hrawng thuknak ah a um hna khi asi tiah report ah tarlan ning asi, Germany ah hin kum fatin in mah 2nd world war erea ah bomb hi Ton 2000 deng mang hi hmuh chuah le kawl peng asi tiah an ti, an hmuh mi le an puahter cang mi hna hi Ton 4000 deng mang hi hrawh le chiatter asi cang tiah an langhter fawn cang.

Chu bantuk thiamthiam in England zong ah atla ve ko nain, atlawm deuh an ti, nikum June ah khan frankfurt germany ah British blockbuster bomb KG 2000 hmuhchuah asi cu minung 7000 hrawng hi hmun himnak lei ah thial dih asi hnu ah puah ter asi, an puahter nak ah hin bia takte in venhimnak ngeih bu in, bomb puah mi afak ning cu Building tampi ahrawh/chiatter asi tiah thei asi, tangka tampi an dih than tiah thei asi, atu bantuk in minung hmun himnak ah thial aherh mi lian bik cu, 2011 ah khan British Grand slam bomb kg 10,000 hrawng rit mi an hmuhchuah ruang ah Dresden city ah um minung 77,000 hrawng cu, bomb puahter asi lai caah cun hmun himnak lei ah thial anrak si cang fawn khi asi.