Afghan ram buainak long asi tilo, vawleipi buainak asi ko cang, Joe Biden zong soiselnak kar ah adir lio, Mike Pence a holh ve bak cang ko,

Mike Pence nih Biden administration nih ralring tein ruahnak ahmnag lo, Afghan an chuah tak ruang ah, America ralkap tampi hna nih kum 20 chung – Nunnak, Tha zang, tangka arak dihnak vialte cu alk in atlau ko cang ati, US nih hin kum 20 chung democracy ram si ding ah,Tangka billions tamtuk dih in anrak hruainak cu zei hmanh asi ti lo, US nih ralkap hna an lak hnu ni 10 chung in Afghan cu Taliban kut ah alut cang khi asi.


US nih Hamid Karzai international airport ah ralkap 6000 akalter, mah hna hi Taliban thuat ding asi lo, an mi le sa embassy mi pawimawh le afghan minung cheu khat hna US ah hruai ding an si, US permanent citizenship an pek ding mi hna an si, mah hna venhim ding ah kal mi asi, special immigrant citizenship an pek ding minung 10000 hrawng chung ah hin, 2500 cu private contractors, US ralkap hna zumtlak tein anrak bawmtu hna an si, mah hna hi Virginia ah chiah ding hna an si.


US nih hin ‘AMERICA FIRST’ arak timi kong ah Trump hi an herh bak ko cang khi asi, atu ah cun Presidential Palace, Kabul ah Taliban hna an thu cang, “Islamic Emirate of Afghanistan ” ah phuan an timh cang fawn, an tum , Taliban spokesman Suhail Shaheen nih Ghani acoyah tang ah tuan mi hna cu ka hrem lai lo tiah ati, aho hman h nih Afghan ram in zam/tli hna hlah u tiin BBC an chim, Italy’s defence ministry, Denmark, Norway & Finland hna nih Kabul embassies, an kharrih lai, Russian Embassy, China, Russia, Pakistan & Turkey embassy hna belte cu khar asi lai lo, mah hna nih hin Taliban pawl acoyah ding pawm an tim hna rua.


Donald Trump nih Biden cu a thil tuah mi hi atha lo ngai, atutan le bang cu Camp David lei ah Wednesday tiang Holiday hman dingin akal daih fawn, Kabul in mipi tampi vanlawng ah kal ding mi hna cu, international le domestic flights an cancel dih ruang ah, mi tampi an buai ko cang, US le ram dang mi tampi hna nih cun “Donald Trump khawika dah a um? Trump nih President seat ah athut lio ah hnangamnak kan ngei ko nain, tiin Biden an zumh lonak chim le rel atam ngai ko cang.


Afghan ram chung ah miphun tampi an um, mah hna hi zangfak taktak an si than cang lai aruang cu, Muslin dan/dun khirhtuknak Sharia tang ah, khuasaknak le hremnak phun kip tang ah nun zalonnak ngei bak lo in nun hman asi lai mi cu, atu ah ram dang ah zam duh in airport ah an kal hna, Hamid Karzai International airport cu football stadium bantuk asi ko, Afghan mipi hna hi zangfak taktak khi asi.


Nawlngeihnak vialte hna cu Taliban kut chung ah a um cang fawn, Afghan elected President Ashraf Ghani le Vice president nih Kabul chuah tak in ram dang ah himnak ding ah achuak cang, Afghan sumdawng mirum hna cu, ramdang ah Afghan buaika tein boruak chiat tuk cang ding ah ruah in, Afghan ram cu an chuah tak dih khi asi cang.
Afghan ram kong buainak ah tial ding atam tuk ko atutan mah vial in si phawt ko seh.