America acoyah biathli/biathup aphuangtu tiah puh mi Edward Snowden cu Russia mi sinak citizen-ship pek asi cang tlaih khawh asi ti lai lo,

Kum 10 chung azam nak ah humhak ngamtu um chun Rusia nih Snowden cu a khua le ti sinak citizenship a pek, Snowden hi USA nih ral bantuk ngei in, an kawl peng khi asi, azam ve peng khi asi ve, China sin ah kal in humhimnak ahal nain, China nih e khai! committee kan ngei ve phawt lai, tiin, An committee biachahnak cu kan chung hna nih hin, kan bawm kho lai lo, an dawitu hna hi thli bantuk in arak hrang sual ah cun, zei maw tiin chiatnak hna kan ton sual ah cun, harsatnak kan tuar phah sual lai, In sak lio kan si fawn, kan rian hi akau ngai fawn tik ah nangmah ca zong ah a nuam lai lo e, tiin thiam ngai ngai in an pawm lo kha asi.

Cu long asi lo, nan bia ken mi hi a lian fawn, theih duhnak kan ngei ve fawn lai, tu rih tuah thil dang kan tuaktan ko lai, kan mah sin ah nan um lo hmanh ah, kan ibiakchawnh peng ko lai mu! tiin, Ka u, naite ah a um ko tiin Rusia sin ah kum 2013 ah khan an pe kasi ko khah! Mah hnu ah cun Russia ah a um peng kha asi, CIA pawl nih an pel ve peng fawn, An politician hna nih cun kan term chung ah kan kirter hrimhrim lai tiin, an au peng ve fawn, Rusia ah cun Anau China nih zohkhen ding ah an kalter cu, si koseh tiin atu tiang aum khi asi.

Russia president Vladimir Putin nih United States security contractor hlun Edward Snowden sin ah, Russia khua le ti sinak a pek cang, nikhat ni ah khan Russia acoyah, official website-nih ram dang mi, khua le ti sinak an pek minung 75 an tarlan chung ah Edward Snowden hi a tel ve khi asi.

US National Security Agency caah contractor riantuan tawn, kum 39 mi Snowden hi acoyah surveillance programme lei ah document pawimawh, leak out tu ah puh asi ruang ah, kum 2013 ah khan US chuahtak in, Russia-ah hin a zam kha asi, Kum 2020 ah khan Russia nih cun, an ram ah um khawhnak anrak pek cang, mah lio ah hin US citizen­ship ngeih bu in, Russia khua le ti sinak citizen-ship hal atim kong arak chim kha asi.

Ka chung hna sin in kum tampi adang tein ka um hnu ah, kei le ka nupi nih kan fa hna lak in, adang tein um ding hi duh lonak kan ngei cang, Kum hnih deng mang kan hngah hnu ah le kum 10 deng mang hmun dang ah ka um hnu ah, kan dirhmun hi zei maw tal in isersiam nak kan ngei khawh ah cun, kan chhungkhar hna caah cun bia tak tein danglamnak ka phanter khawh laik hi asi, An ca le kan dih lak caah zalongnak kan ngeih khawhnak ding ah thla ka cam peng tawn, tiin Snowden nih Twitter-ah a achim.

US nawl ngeitu hna nih cun Snowden hi US-ah kirter in, hlatthlaitu le biathli mi dang sin ah akut tiah puh asi mi cu, case tuah piak khi an duh peng fawn, Russia-Ukriane idohnah a um cuah mah lio ah, US le Russia karlak boruak a chiat deuhdeuh lio ah, Russia President nih US-nih an ram hlatthlaitu ah a puh mi Snowden sin ah khua le ti sinak, a pek nih hin ram pahnih karlak boruak zong chiatter nak azual chinchin tiah zumh asi.

Snowden- lawyer, Anatoly Kucherena nih contractor hlun nupi America mi, Lindsay Mills, Russia-ah a pasal kiang ah khawsa lio zong nih, Russian passport a hal ve lai tiin chim asi, Snowden hi Russia-ah a um hnu ah mipi hmuh ah a langtuk lem lo, social media kaltlang in Russia acoyah kal ning a soisel tawn cang, kum 2019 ah khan a buainak dik tak ceih ding in, US-ah kir than aduh ko tiah arak chim cang kha asi fawn, Russia spy hruaitu hlun, Putin nih kum 2017 ah khan Snowden-nih US acoyah biathli/thup a chuah cu a dik lo nain, ram phatsantu cu asi lo tiin achim.