America nih Afghan ram Kabul airport cu tu zing khua dei dengmang ah ahnu bik C-17 nih an chuah tak cang zei thil dah atlung than lai?? 85 trillion an sung Biden??

August 31, 2021 cu Biden nih Taliban terrosist pawl ngam lo in Afghanistan ram kan chuah tak dih lai ati mi cu, acoyah dang hna nih an duh pi lo nain an chuah tak ve dih cang khi asi, tu zing khuadei ka tein America raldohnak vanlawng he ahnu bik Kabul airport cu an zam tak cang!Vawlei cung ram ropi bik ah ruah mi USA cu an Commander-in-Chief ropi Joe Biden nawl pek in afghan in an chuak dih cang, America mi le sa hna zei zat dah an kal tak belte cu,Joe Biden administration caah ‘top secret’ asi lai.

Mi raltha le mi dik Donald Trump-can lio ah khan America cu vawlei pumpi zong nih an ngamh lo phun deuh khi asi ko nain, President le prime minister-hna nih anrak tihzah ngai ngai hna, atu ah cun Joe Biden-ram hruai ning cu zahpi awk ngai ngai khi asi ko cang, an ral hna mit hmuh ah Biden cu zei an relhna lo phun khi asi, ramkip hruaitu hna le ralhrang hna zong nih an tih bak lo khi asi, Biden dir hmun hi aniam lei deuh tu khi asi, vawlei mipi hmaika ah America cu misual Taliban lak ah amualpho ko tiah an ti hna, America news site hna ah Biden mualpho nak long te hi asi, foreign policy tlamtling lo bik tiah history ah a um peng ko cang lai record ah cu.

Kum 20 chung in America nih Afghanistan acoyah anrak zohkhennak cu, Taliban le ISI-pawl caah raldohnak hriamnam thatha an pek khi asi ko cu mu! Hriamnam an kal tak mi cu dollar trillion man tluk asi, mah hriamnam thatha mi hna cu Taliban le ISIS hna nih sualnak angei lo mi ram le sualnak ngei lo, mipi le Nu hna caah cun harsatnak petu ding ah arak hmang ko cang lai cu!

Mah hriamnam lian pipi hna cu, Humvee idohnak motor 22,174, truck lian mi 8000, tank dang dang hna 958, idohnak car le truck 42,000, machine gun 64,363, radio set 162,043, meithal puakrang mi (assault rifle) 358,530, pistol 126,295, night vision goggles 16035, Meithal pi 176, helicopter (M17) 33, idohnak helicopter tha bik (UH-40 Blackhawk) 33, helicopter MD530 43, thilri phurnak phun vanlawng lian (C-130) 4, van lawng dang dang hna (Embraer EMS) 23, Cessna-208 – 28, strike aircraft 10, Mah ralkap hriamnam hna le vanlawng hna, motor hna hi US dollar 85 trillion man tluk asi, Sky News, Australia report ning in Australia acoyah nak in Taliban-pawl ngeih mi hriamnam hi atha deuh ko cang ati.

India acoyah zong nih ngeih phak khawh asi lo ati, A poinak bik cu mah hriamnam thatha pawl hi America ral lian bik China le Russia sin ah aphan cawlh lai, araung cu Taliban nih an hman thiam lo mi atamtuk caah asi, an tuah ning hna le ahman ning hna hi mah ram pa 2 hna nih cun US dohnak ding le US thiamnak anrak theih khawh fawn lai, hriamnam dang tuahnak lam pakhat asi fawn lai timi cu mithiam hna tuaktan ning asi, Biden hruai America acoyah cu a poi taktak ko cang, An ram Economic le aniam lei an panh pi deuh deuh khi asi fawn cang, zei tin dah asi ne lai??

America hi vawlei hmai ah mualphotertu bak asi cang, Afghan ram buainak kong ah Biden cawlcang ning cu zei tik hmanh ah atlau kho ti lai lo, atu ah cun America ram chung Biden party Democrats chung zong ah Biden soiselnak long in akaht ko cang, hmai lei panh in kar athlang kho rih lai maw? Media hna zong nih thil dik asi lo tiah arak langhter peng fawn khi asi, UK le GERman zong nih vawi tampi withdrwal tuah lo ding in nawlnak an tuah, asi nain zei hmanh um zia angei fawn lo, atu ah ISIS pawl nih bomb puah ruang ah America ralkap 13 athi mi kong ah Biden nih UK army an puh hawi cu amak bak ko, Biden cu Zei tik hmanh ah America President tlak asi lo!