An ram chung ah Mi raltha ngai pahnih hna nih Taliban an tih ve lo, ram caah uar a um ngai, Vice President le Governor Nu cu?

Afghanistan Vice President Amrullah Saleh cu Taliban hna hmaika ah khup bil aduh bak lo, President Ghani bantuk in ram zamtak atimh lo pin ah, Kabul in mel 100 hrawng khua ah ralkap zei maw zat he an ikulh rih ko,Taliban pawl doh ding ah an itim cuahmah rih ko, Taliban nih Kabul le khuapi tampi an lak ko cang nain, Afghan ram chung hmun tampi lak lo an ngei rih ko, VP Amrullah Saleh le anti-Taliban commander Ahmad Shah Massoud thi cang mi fapa hna he, Panjshir ah Taliban thuat/doh ding in, adang tein an ikulh hna khi asi.

Vice President Amrullah Saleh le anti-Taliban fighter athi cang mi Ahmad Massoud, fapa Ahmed Shah Massoud, hna he Taliban pawl nih an lak rih lo mi um chun asi, Panjshir Valley ah guerilla movement an kal pi cuahmah lio asi, Saleh nih hin an President Ashraf Ghani nawlngeitu bik nih ram arak zamtak cang ah cun, lawlawse mawhphurnak vialte cu amah kut ah a um khi asi deuh ko cang, mah ruang ah cun atei zong ah atei lo zong ah adonghnak tiang Taliban hna cu doh an timh khi asi.


Massoud tu nih hin Afghan air force Mi-17 Soviet designed military helicopter cu akut ah a um ko, Saleh le Massoud hna nih hin Taliban hna hi an tei lai lo timi cu afiang ngai ko nain, asi nain raltha ngai ngai in an ram caah nun pek tiang lungthin angei mi hi asi, President Ghani bantuk in himnak kawl in zam/tlik atim bak lo khi asi, an ram le miphun hna caah pum pek in aherh asi ah cun thih tiang zong ral ka doh lai tiah news site ah anrak langhter khi asi, beiseinak nganpi he itimtuah cuahmah lio khi asi ve, tlamtlingnak cu Bw2aipa kut ah a um ko lai.

Taliban tih lo Governor Salima Mazari Nu asi?


Salima Mazari, Afghan country’s first female governors, hi arak men lo Hazara district in Governor caah thim mi asi, Taliban hna hi arak soisel ngai ngai tawn khi asi, atu ah hin Taliban hna nih an thah lai maw? an thah lai lo timi hi theikhawh asi ti lo, asi nain himnak ding ah zam/tlik atim ve bak lo, mah tluk mi raltha Nu asi fawn mi tampi hna nih nunhimnak ding ah nazam lai lo maw? tiah ahal kazam lai lo ati, Afghan former women’s soccer captain nih a team mate hna cu thilri vialte hna kha mei khangh dih u tiah bia acah hna, Herat female members of parliament cu a in anbauh piak Car zong an lak piak ko, Afghan First female mayor Zarifa Ghafari nih Taliban hna thah can kahngah tawp ko ati khuaruah har ngai asi, Ms Mazari hi Shia Muslims asi, Taliban hna hi Sunnis muslims an si.

Malala Yousafzai nih Afghan ram chung ah nu hna le Ngakchia hna himnak ding ah vawlei hruaitu hna cu aran khawhnak chung in hma lak piak ding ah nawlnak atuah, Nu hna cu an lut ve kho lo?

Nobel Peace Prize arak ngah cang mi, Malala Yousafzai nih Afghanistan-ah thil cang cuahmah mi ruang ah, harnak, buainak faktuk in an tuar cuahmah lio asi, abik in Nu le Ngakchia hna dir hmun hi achia tuk hringhran, mah hna himnak ding ah arannak in vawlei ram hruaitu hna cu hmalak piak ding in nawlnak atuah tiah thei asi, Yousafzai nih Afghanistan ram mipi himnak ding ah, US President Joe Biden nih tuah ding tampi angei tiin, ral tha ngai ngai in nawlnak atuah fawn, Afghanistan ram mipi nih bawmnak an herh tiah ati.


Kum 23 asrih mi Yousafzai nih hin women education kong ah an hmalak nak cu, an duh lo ruang ah kum 2012 ah khan Pakistani Taliban nih alu ah anrak kah cang khi asi, can sau ngai England-ah zohkhenh arak si, adam hnu ah England ah aum cawlh khi asi, “Afghanistan-ah thil cang mi ruang ah nuam lo ngai in a um ati, Nu hna dirhmun karuah ah hin zan ka hngilh kho lo ati fawn, Afghanistan-ah activist cheukhat le Nu pawl covo diknak aduhtu pawl he vanthat ah kan ichawnhnak ka ngei kho, nu hna an lung rethei ning cu zangfaktuk khi an si tiah, Yousafzai nih a chim.

Yousafzai nih Pakistan prime minister Imran Khan sin ah Afghan ralzam mi hna cu tha tein luhnak sianh piak ding le ralzam Ngakchia hna cu, cacawnnak tha an ngeih ve khawhnak hnga le an himnak ding ah, hmalak piak ding ah nawlnak atuah fawn tiah thei asi.

Minung 150 icitnak ah 700 acitter, Hrem hmun in rak kan chan u tiin Afghan Nu hna nih Airport chung lut ve khawh ding in a hal?

The gates of hell tiin Kabul Airport ah Afghan nu hna nih US ralkap hna cu lut ding le bawmnak an hal mit thli he, “Taliban pawl anra lio hika hrem hmun in rak kan hruai u tiin, US troops hna an nawl peng khi asi, Taliban gunmen hna nih airport vialte lenglei in an kulh dih khi asi cang, Nu hna nih bawmnak hal in an au ko, Kabul airport north gate lei ah meithal kah thawng athang ngai fawn, Afghan translators le visa holders hna cu airport pawng ah athup mi zong an tam ngai.


Britain nih nikhat ah minung 1000 tal phur khawh an tim tiah, General Sir Nick Carter, head of the UK armed forces, nih BBC Radio 4 an chim, UK nih hin nikhat ah vanlawng vawi 7 zuangter an timh, Prime Minister Boris Johnson nih kum 5 chung in Afghanistan minung 2,5000 cu anram chung ah mikhual ngeih an tim, tu kum ah minung 5000 tluk mikhual an ngeih lai tiah achim, Airport lenglei ah meithal thawng theih peng asi, athi mi zong an um, Taliban hna nih mipi control nak ah whips an hman chih tiah report a lut fawn, US nih Afghan allies caah minung 80,000 special immigrant visas pek an tim fawn.

Former President Donald Trump reacts to Biden’s Afghanistan withdrawal,Fox News
mah hi US army C17 plane ah ai cit ning dik tak asi, nizan ah khan minung 700 dengmang afghan refugee pawl an citter khi asi, Qatar al udeid airbase tiang KM 2000 hrawng asi, Army hna hi minung 150 nak tam an icit bal lo khi asi.