Arak holh hmasa bik ah Nancy Pelosi nih Biden Afghan withdrawal tha ati, Trump nih America ram caah thil ningzaktuk khi asi ati ve,

House Speaker Nancy Pelosi cu arak holh bal lo nain, arak holh hmasa bik ah Biden Afghan Withdrawal cu tha ati, American’s mipi tampi le vawlei nih Biden administration an rak soisel lio pi ah “America nih tlamtling tein Afghanistan in minung 120,000 an lak khawh, Biden administration riantuan hi a ropi ngai ko ati, rian fawi bak lo mi felfai tein thil akapi kho tiah Nancy nih Biden riantuan cu tha ati.

Biden hi mi tampi nih anrak soisel ngai ngai lio asi pin ah, 13 U.S. service members ISIS-K suicide bomb ah an thi fawn, Democrats tampi hna nih kum 20 chung America nih Afghanistan ah can le tangka adih ko hmanh ah adonghnak caah Nancy Pelosi lo cu midang aho hmanh nih Biden riantuan cu tha timi an um lo, Afghan minung tampi hna U.S. bases Ramstein, Germany & Doha, Qatar ah an um rih ko, Secretary of State Antony Blinken nih mah hna cu an va tlawng.


Donald Trump nih President Joe Biden’s Afghan military withdrawal a soisel than, Afghan buainak ruang ah US Mexico Border kong cu athupter ko ati, Trump interview with Fox News host Greg Gutfeld “America caah hin ningzaktuk khi asi, Afghanistan nak in thil tha bantuk in lang um chun cu US Mexico Border ah illegal migrants lut mi kong thup/khuh hi asi, America hi atu bantuk in a him lo kan ngei bal lo ati, southern border in tilian bantuk in illegal migrants hna anrak luanglut ati, Afganistan Withdrawal dik lo le thurhnawm tuk mi zong thupter dih asi.

Southern border in arak lut lio mi hna hi kum 21 chung ah asang bik dirhmun kan si, US Customs and Border Protection July 13 ah minung 212,000 an buaipi, Department of Homeland Security report ah Aug 17 tiang ah khan Afganistan in minung 60,000 America ah an lut fawn, mah hna vialte hi Biden nih amah tangka he azoh khen mi pakhat te hmanh atel lo, US nih tangka kan ngeih cia mi chung in duh tawk in an hman caah atu ah kan ram economic zong aniamnak chan asi tiah Trump nih ati.


DHS Secretary Alejandro Mayorkas nih Afganistan in an lak mi zeimaw zat nih cun security khirh ngai mi an lonh, Trump nih “Taliban nih hin Biden an tih lo, Taliban leader Abdul Baradar, he 2020 ah kan ichawnhnak ah khan upatnak alanghter, 2020 khan Taliban leader asi, 2021 ah asi thiamthiam ko, nain Biden cu an tih lo caah afghan ah teinak an ngei ati.