Atu lio America politic le President Joe Biden cawlcang ning kong ah vawlei cung ram le hruaitu kip nih an soisel tuk cang, alung abuai bak ko cang “Detail in”

Atu lio cu vawlei cung ram hruaitu kip mit cu, president Joe Bidena thiltuah ning dik lo le felfai tein kalpi khawh lo ruang ah, soiselnak phun kip in anrak soisel cang caah amah Joe Biden zong alung afim kho ti lo khi asi cang, an mah Democrats chung zong ah an lung kim tuk ti lo khi asi, Kan rak theih ceu bantuk in America mi le sa hna ramdang ah sang tampi a umrih fawn, an himnak ding ah hmalak asi ko nate in duh ning in rian akalpi kho tilo tik ah, soiselnak longte in akhat ko cang, US Ralkap hna anlak hmasa hnu ah mipi lak an timh mi cu buainak nganpi chuahtertu asi, aruang cu security tuah ding ah ahnu ah US ralkap hna cu an kalter thiamthiam ko kha asi cu mu!

Khawkhan lairel thiam lo cu atu ah Joe Biden thil tuah mi ah fiang deuh in alang ko cu, an ruah lopi in Taliban hna nih Afghan cu can sau zong doh lo in khuapi tampi an control hna tik ah cun, Joe Biden Administration cu hlawhchham/tlamtling lo mi cu fiangte in vawlei pi hmuh ah alang ko, Taliban-pawl kut tang ah America minung 10000 in 20000 nak tam, Joe Biden zong nih zeizat dah a um rih timi atheih fiang lo khi asi, Kabul khuapi chuahtak ding ah um chun te cu, airport longte khi asi cang airport chung lei cu USA ralkap nih asi khawh chung in control khi asi ko, a lenglei in airport anratnak lampi cu, Taliban pawl nih an control dih cang fawn, Taliban pawl nih vawlei hmuh ah mi an thah mi le Nu hna an hrem ning video cu an viral ter cuahmah lio fawn.


Mah vialte hna hi mawhphurtu bik Joe Bidena cu social media kip ah chun zan in phuan le tial peng asi fawn, hi bantuk putar hrut mi le lung fim lo mi hi president tlak asi ti lo tiah, an au hnawh hna fawn khi asi, minung fa khat lei in ruat ah cun fangfak tuk dirhmun ah adir ko, amah Biden zong nih lungfim ngei kho tilo in an mawhphurhnak office White House chuah tak in, Delaware rilipi pawng hna ah can arak hman sawh sawh khi asi, media bia halnak zong chim ding thei bak lo in a um, Kabul ah CNN reporter hmanh nih arak soisel ko cang, bia achim ve zong ah chim sual angei peng fawn vawleipi abuaiter taktak khi asi ko cang e.

A can ah Donald Trumpa apuh nain aho hmanh nih an zumhna lo, an party mi le sa hna zong nih tingainak atheih ti lo, Vawlei acoyah dang dang hna nih America president cu an soiselnak long te an chim hna, atu ah cun vawlei cun ram hruaitu le mipi hmaika ah athup kho ti lo mi mualphonak long tein akhat dih cikcek ko cang caah US ram tiang mualphonak asi cang, Thla 7 liam cang can ah khan Trumpa sin in economy ropi le sang bi oil ngah bik le Ramri him bik asi mi cu akut ah pek asi hnu ah, kum cheu president chung ah hinan hrawh dih cang ti awk khin a um cang timi cu mithiamhna tuaktan ning asi.


Trump hruainak tang ah Oil ngah bik ram asi tawn mi cu, atu ah cun oil cawk ding in an kawl peng ko cang, America ral asi mi China, Russia le North Korea hna cu Biden hnu lei ah athlithup in an ni sawh ko,US president thim lio ah Bidena ṭanhtu hna nih antanh rih hnga maw? America President Joe Biden asi cang hnu ah vawlei pi ram buainak hram athawh ve cawlh khi asi, mah ram hna cu, Myanmar, Iran, Israel le Hamas, Afghanistan, Taiwan, cu pin ah South China sea ah buainak asang chinchin, India le China ramri buai, Pakistan tiang buainak long tein akhat khi asi ko cang cu mu! America ram chung mipi nih cu Donald Trump an ngaituk hna cang tim cu social media ah ni fatin te in alang ko cang fawn.

Afghanistana ah an cawlcangnak fuh lo ngaingai mi hi, vawleipi tiang kal ning fuh lonak asi cang, cu long si lo in an mah America ram ca tiang thil poi ngai ngai asi, atu ah cun impeach ding tiang chim asi cang, Bidena hi rak tla selaw Kamala Harris-vice president hi ruah bantuk in mipi nih an zumhna fawn lo khi asi, Biden nak in an duh lo ngai ngai khi asi, Biden policy dik lo zia le santlainak angeih bak ti lo asi ko cang, atu bantuk in America min chiatnak tluk hi a um bal rih lo, Reporter tampi hna nih cun Bidena hi president in an bye bye ko cang, Joe Biden-nih hin pathian cu chim lo ah, minung hrimhrim right hi zei arel lo maw sihnga? dik lo ngai in uknak nawl angeih caah maw sihnga? mah tluk in an mualpho nak cu!


A donghnak ah Bawipa cu hngak law, alam zawh ko, cu ti cun ram luah ding ah an cawi sang ko lai, Misual hna cu tlauter asi lio zong ah na hmuh ko lai, Misual hu nawl ngeihnak sang ngai an tlaih ko, thingkung hring bantuk in kahmuh, asi nain, a thi than tawn, zoh tuah, hmuh hmuh ding a um ti lo, (Sam 37:9-10; 34-36). mah Sam bu nih atial mi ah hin Trump le Bidena hna umtu ning le dir hmun cu fiangte in thei khawh asi, kanrak zoh rih ko lai??
Cre: Moses pa