Atulio kan vawleipi mah tluk abuainak kong ah Media hna nih F. President Donald Trump anrak kawm duh ngai ngai hna, Fox news nih Trump bia chim arak chuater mi cu! Vawlei nih Amen apek,

Former President Donald Trump Biachim cu,

America president asi hnu ah Media dang dang hna nih bia hal aduh ngai ngai tawn mi cu, Former President Donald Trump hi asi, atu zong ah hin Media dang dang hna nih an hal duh bik mi chung ah cun, Fox news le media dang hna nih Afghanistan withdrawal le Middle East kong hna ah thil tampi an hal hna khi asi, atu lio ah hin Russia le Ukraine kong ah Interview nak hi atha kho taktak mi asi caah, vawlei ram hruaitu hna nih anrak ngaih ven ngai ngai khi asi, Fox news Interview nak ah bia an hal mi hna cu atang lei bantuk in Donald Trump aleh mi bia asi atha bak ko.

Kan ram nih hin ahmasa bik ah buainak le harsatnak tam pi kan tuar cuahmah lio asi, White house cathanhnak kong ah zei tin dah nan hmuh tiah ahalnak cu, mah bantuk white house bia thanh mi cu zeitik hmanh ah achuak ball ai lo, ahmabik ah Afghan withdrawal ah khan khawkhan lairelnak kh umzia angei lo mi thil asi, kha bantuk khawkhan lairelnak nih zei tik hmanh ah ram nih athat pi lai lo, vawlei hmai ah mualphonak long te asi ko khah tiah Trump nih a leh bak ko khah, mah thil ah khan thil pakhat te kan hmuh mi cu, Putin le Xi-Jingping nih Biden cawlcang ning cu bia tak tein anrak zoh kha asi, mah an cawlcang nak ah zeihmanh hmuh tlak le felfainak a um lo zia cu Putin le Xi-Jingping nih rangtuk in an tlaih piak khi asi, mah hnu ah cun Putin le Xi-Jingping nih a hlan lio ah an tuah ngam lo mi kha anrak tuah ngam bak khi asi tiah Trump nih ati.

Middle East ah Biden cawlcang ning kha China le Russia nih an zoh peng fawn zei rian dah, zei tin dah an kalpi lai timi kha an zoh kha asi, Biden khawkhan lairelnak ah khan zei hmanh thil fel hmuh ding a um lo timi alang fawn tik ah atu ah cun Biden cu Putin le Xi-Jinping nih zeihmanh an rel piak ti lo, an tih fawn lo, anrak nep ngai ngainak nih hin Putin le Xi-Jinping cu an ral atha chinchin caah, China nih Taiwan cung ah aduh ning te in an cawlcang khi asi, Putin nih Ukraine ram cu lak than mai ding in ruahmannak an ngei khi asi, atu ah hin Ukraine buainak kong ah hin remdaihnak a um cang tiah chim khawh asi rih lo, ruah lopi in zeibantuk buainak dah kan ngei lai timi hi vawlei nih an zoh lio khi asi tiah Trump nih achim than mi asi, Foreign ram hruaitu tampi nih Donald Trump biachim cu asi taktak ko tiah comment an pek tam ngaingai tiah Twitter an langhter.

Mexico border kong ah hin atu ah Biden nih Illegal 3 million an si tiah an chim mi hi kazumtuk lem lo 10million an si lai tiah ka zumh ati, mahr uang ah hin tukum cu US nih Economy aniamnak bik ah kan phan cang khi asi tiah ati, hruaitu tha nih cun ram thyanchonak ding ah rian an tuan ko nain Biden nih cun ram chung thanchonak in ram nih angeih mi thil/tangka hna dih zawkzawk se tiphun in US tangka umcia mi hi an duh ning in an hman mi hi hi US tlukchiatnak hramthawh asi timi hi mipi nih an hmuh dih ko tiah ati, Atu dirhmun bantuk in kan ram hi a um peng asi ah cun Putin le Xi-Jinping nih akan nisawh ko lai timi hi afiang ngai ko cang, America mipi hna hi kei nih cun ka dawt bak ko, US mipi herh mi hi kan pek hmasa hnu ah, ram than chonak ding ah Economy hi biapi bik mi thil asi, atu tiang America ram caah Biden nih zei zat dah tangka an hmuh? Nan hmuh ceu ko keimah nih ka chim theng zong aher lo, mipi nih an hmuh dih ko tiin achim fawn.

Adonghnak ah pakhat achimchih mi cu President asi lio ah khan Russia cu an pipe line kan phih piak pin ah Economic ah kan sanction fawn an cawlcang kho bak lo, cu bantuk thiamthiam in China he Economic ah kan phih piak ning hna kha mipi nih an theih dih, China zong an cawlcang ngam bak lo kha asi, atu ah cun lungfak ding longte asi ko cang, Biden nih President atlaih hnu ah kumkhat longte asi rih ko nain, Vawlei pumpi ah buainak achuak mi cu nan hmuh ceu ko kha mu, Afghan an buai atu ah nu le ngakchia hna nih an tuar ning cu nichiar in Human Right hna nih an aupi ko, Middle East ah Iran nih Nuclear ngeih tim in hma an lak, buainak chuahter ding ah ready asi cang, South China sea ah buainak asang chinchin fawn cang, North Korea nih vaw tampi Missile an test cang fawn, Ukraine ah mipi hna tih nung karlak ah an um lio, Taiwan cu China nih an ram pakhat ah Russia nih an pawmpi fawn cang mah hna vialte cu aho ruang dah asi? Nan theih maw? Tiin atu tan Fox news ah Donald Trump nih bia achimnak asi.

Source : Fox news