Big Lizzie Queen Elizabeth Aircraft Carrier cu South China sea ah aphan ko cang, China nih zei dah a chim?

China nih an ram pawngkam ah ram hme um mi hna ramri, Rilipi ah an mah ram chung bantuk in an ngeih piak mi hi, ram tampi nih tha an ti lo caah, atu ah ram zei maw zat nih South China sea ah an kal hna, atu ah hin HMS Queen Elizabeth & carrier strike group hna cu, Indian Ocean, in Malacca Strait via le Singapore in Rilipi buainak South China sea ah nihin ah khan an lut cang.

China nih hin an pawngkam ah um mi ram hna he an irem lo ngai ngai khi asi, mah ruang ah cu an pawngkam ah um mi hna hme hna zong nih ifawnh in China thil tuah mi an duh lonak anrak au pi ve ko, asi nain China nih zei an rel piak lo ruang ah, US nih Asian NATO QUAD arak dirnak chan zong asi.


UK £ 3billion aircraft carrier, dubbed Big Lizzie, nih South China Sea a luh hlan ah China nih warning apek cang nain, Britain nih hin warning a pek mi cu zeihmanh rel piak lo iin South China sea ah cun an lut thiamthiam khi asi, Chinese state media nih island pawng ah um mi, ram dang lawng hna cu an ram ah kuat cawlh asi lai tiah ati ko nain, Chinese academic nih cun The Global Times sin ah ‘China welcomes friends with wine but deals with wolves with a shotgun’ tiah a hrocer bak ko.

Chinese state mouthpiece Global Times nih report atuahnak ah South China Sea ah hin Military drills hmun 2 ah an ngei lai tiah ati, Big Lizzie hi Crimea rilipi in Russia thinhuntertu HMS Defender zong nih a zulh ve thiamthiam ko khah! Atu lio cu British zong ruah bantuk asi lo an ralthat ning cu, Russia le China hrocernak cu zei hmanh arel piak bak lo khi asi.


Atu ah South China sea ah QUAD ram hna an luh mi hi, atu tiang China cu aholh rih bak lo khi asi, an kir hnu ah maw an holh te hnga? an kal taktak ah cun zei hmanh achim ngam bak lo khi, akal hlan ah cun, cu ti cun katuah lai, faktuk in ka leh hna lai tiah a hrocer peng mi cu, atu ah an kah ngam lo maw sihnga?