China President Xi-Jinping hi chuak khawh lo in hren or House arrest asi tiah news hna hi ataktak asi maw? National news tampi ah adarh ngai ngai ko,

Nizan ah khan Social Media ah khan a darh ngai kha asi, a dik maw dik lo maw, theih asi lo nain, India National News le International news hna ah tampi hmuh ding a um, Mah news hna nih anlanghter ning karak langhter ve ko lai, chuak khawh lo in hren asi tiah: China President, Xi Jinping hi Shanghai Cooperation Organisation Summit hmang in, Samarkand khuapi Uzbekistan ah a kal kha asi, mah ah cun Modi le Putin hna zong an tel, China ram chung ah thil zei maw, ipuhmawhnak thawngpang hi, theih in 16th September ah khan a tlung cawlh ti asi, Beijing Airport ah tlaih cawlh in, chuak khawh lo in hren (House Arrest) tiin news ah athang kha asi.

A chan: News dang dang hna ah hin a chan an chim mi hna hi atlangpi in atluk ceu khi asi, tu zar naite ah khan Communist Party nih Anti-Corruption Campaign an kalpinak ah, China ram ah Official 6, Minister hlun he an buainak case chuah asi, Minister hlun pahnih thi ding ah tiin, Official pali cu damchung thawngtlak ding ah hremnak pek an si, mah hna hi China ah Political Party umchun, Communist Party caah mi santlai taktak  an si ruang ah, Jinping duh lohnak hi a chuak ngaingai kha asi, thlithup in thil timtuah mi arak lang khi asi tian an chim ning asi.

Thil cang cuah mah lio thawngpang cu: Tarlan ning ah cun China ralkap tampi nih cun, Saturday ah khan ralkap motor hmang in, emergency ngei bantuk in aran khawh nak chung in, Huanlai County in China khuapi Beijing pawng hrawng Zhangjiakou ah an ithial lut hna asi, ralkap Motor an izulh mi hi 80 km tluk sau tiah chim asi fawn, Saturday ah khan Beijing in vanlawng kal chuak ding tampi Cancel a si tiah, Airport Website in hmuh khawh asi, 60% tluk vanlawng Cancel a si, Bus le Train hna cu Cancel dih asi kong tarlan asi fawn, ram hruaitu cheukhat tlaih chih asi tiin tarlang asi fawn.

Hhruaitu thar: Xi-Jinping hi hren/house arrest asi pin ah, ralkap Chief sinak zong hlonh piak cawlh asi tiin chim asi fawn, President hlun Hu Jintao le Premier hlun Wen Jiabou hna nih cun, Jinping thleng ding ah hin Communist Party ah nawlngeitu le controltu Politburo ah Standing Committee Member rak sic ang mi, Song ping an duh kong tarlan asi fawn, mah lio ah China ralkap General si lio, Li Qiaoming cu, President thar ding ah chim a um fawn.

Chim ning adang cu : Jinping hi House Arrest a si lo, China nih Zero Covid Policy an kalpi lio asi caah, ram leng ah a tlawng ah cun, Home Quarantine a herh mahruang ah, Home Quarantine in a um mi asi tiah chim mi zong a um fawn, cheukhat nih cun nizan thil cang ah khan vanlawng Cancel a um lo an ti ve fawn, khuapi lian deuh vanlawng kal ning,  Radar Map tarlan nak ah cun vanlawng akal tlawm ngai  tiah alang fawn, Tibet cung zawn ah International Flight kalter asi fawn lo, Boruak cu ningcang lo deuh in a um bantuk cu asi, China Official bik hi daidep in a um fawn, 16th September ah House Arrest in a um timi kong hi atu tiang lehnak zeihmanh a umrih fawn lo khi asi.

Expert lei chim mi bia hna cu: Mah thawngpang hi India Politician lar, Professor arak sicang mithiam, Subramanian Swamy nih nizan ah khan Twitter ah a tarlang ve fawn, China lei hlatthlaitu, Adil Brar nih “Zei vanlawng dah Cancel asi, nizan ah khan Flight Radar 24 ah a um lo, Samarkand in a kir in Jinping hi Covid ivennak ruang ah, Home Quarantine in a um lio tiah zum asi ati, hlonh nak le thlithup thil tuah a um theih asi lo, India Social Media bia adarh maim ai asi ko lai tiah ati fawn, Adil Brar nih hin Jinping nih China ralkap (Peoples Liberation Army) Website ah 23rd September 2022 (Friday) ca tar mi cu a Post langter fawn, I hlonhnak um taktak selaw mah can ah hin, PLA Website nih hin Jinping kong Post an remti lai lo, Post um cang mi vialte zong Jinping pehtlai nak zong hlonh dih asi lai tiah ati fawn.

India ram ah media ram venhimnak lei tial tawn (Defence Columnist) Saurav Jha nih cun “Tibetan Plateau lei ah China vanlawng kal atam bak ah cun India caah cun atha lai lo, Lhasa le Gonggar (Tibet) lei vanlawng Cancel a si ko, ralkap vanlawng tumnak caah hmun tuah piak zong asi ve khawh ko tiah ati ve fawn, ni ngei a.

Biachap : China ram ah hin zei maw thil aphan timi hi, a taktak theih asi rih lo, thil cang zei maw a um in, a um lo khawh men fawn, careltu hna ruah ning asi ko cang, China lei daidep in a um fawn rih khi asi, National Media lian ah a lanng ngai ngai ruang ah, kanrak langhter ve hrimhrim asi, Kim Jong Un zong vawikhat media nih an thither diam ko kha mu timi tiang theih fawn atha ko lai.