England Siangpahrang nu Queen Elizabeth II nih vawlei achuah tak cang aiawh ding ah Afapa Prince Charles an thu lai,
England Siangpahrang nu Queen Elizabeth II nih vawlei achuah tak cang aiawh ding ah Afapa Prince Charles an thu lai,
England Siangpahrang nu Queen Elizabeth II cu an ram ah nithum ni (September 8, 2022) ah khan Balmoral Castle, Scotland-ah kum 96 siin a thi, Queen Elizabeth II nih hin kum 70 leng hrawng khawkhan lairel nak can ahman, an ram thawng pang ah Siangpahrang thutdan ah thus au bik cem asi, Queen Elizabeth II thih kong hi Buckingham Palace nih official-in a phuang cang hnu ah, amah thih sianh lotu tampi hna nih an umnak in pawng ah an kal hna, amah upat tihzahnak pangpar hna an chiah piak hna khi asi.
Queen Elizabeth hi kum 1952 ah khan Siangpahrang thutdan ah thut hramthawh asi, an ram mipi pin ah vawlei mipi hna nih dawtnak an langhter ngai ngai hna, A thih ruang ah hin a fapa upa bik le Prince of Wales hlun si fawn, Prince Charles nih aiawh ding asi lai, King Charles III tiah auh asi lai, Queen Elizabeth II nih khan UK pin ah ram 14 a uk tel khi asi, mah chung ah cun Australia, Canada le Jamaica hna zong an tel khi asi, Queen Elizabeth II thih kong nih hin vawlei aden dih cawlh khi asi, Vawlei ram hruaitu dang dang hna nih an sianh lonak le upat tihzahnak message an kuat cawlh hna khi asi ve.
Mah ram hruaitu hna chung ah hin ram ropi bik bik, US President Joe Biden, China President Xi-Jinping, Russia President Vladimir Putin hna pin ah, Europe ram hruaitu hna, India Prime Minister Narendra Modi le India President hna zong nih upat tihzahnak message akuat ve fawn khi asi, vawle hlasak thiam ropi le mi tampi nih anrak duh ngai ngai lio, Sir Elton John nih Siangpahrang thih kong nih hin, Toronto ah Rogers Centre ah concert a ngei nak ah, Siangpahrang upat nak he thlahnak can ahman ve kha asi, Queen Elizabeth thihnak nih athinlung akhenh bak ko tiah achim, mah ni hi lungchiat ngainak ni asi, vanchiatnak ni asi, Sir Elton John hi Royal Family hawitha anaituk mi asi.
Nikum ah khan Order of the Companions of Honour, caah appoint arak si, an mah chung ah hin member 65 an um hna khi asi, Britain Siangpahrang nu hi ropi ngai in, State funeral hmang in vui asi lai, program hi fiang in theih khawh asirih lo, acoyah lei zong nih hmalak nak ding an phuang rih lo, Britain mipi hna nih cun an Siangpahrang nu nih vawlei achuah tak mi cu an tuar ngai ngai khi asi.
New York khuapi ah Tennis sport vawlei huap US Open 2022 ngeih lio ah, Nu single Semi Final match ngeih lio in, Britain Queen Elizabeth II thihnak nih aden bak hna khi asi, upatnak langhter in Tennis Court ah can an hman hna khi asi, Ni hnih liam can ah khan Siangpahrang nu nih UK PM thar caah thim mi, Liz Truss nih Siangpahrang chunnak bia achim, Siangpahrang nu hi UK ram hruaitu, head of state a si pin ah, Australia, Canada le Jamaica ram hna he ram 14 hruaitu lu bi kasi, Elizabeth II nih hin fa 4 hna, a tu 8 le a tuchuan 12 a kal tak khi asi.