Faktuk in ralrinak pek asi pin ah theihter nak an tuah cawlh fawn cang Rilipi tang lawng tih anung mi a umnak base in kalchuahter asi cang,
NATO nih cun a member ram hna sin ah biathli ready herh kong a kuat, Russia nuclear hriamnam ngeih mi Rili tang lawng Belgrad nih Poseidon torpedo cu, zei maw zat he an base umnak chuah tak in achuahter cang kong asi, mah Nuclear weapons hriamnam rili tang in an chuahter mi hi khawika dah an panter timi hlatthlai ceu ding le an hriamnam hna cu ready ter dih ding in theihter nak achuah ve cawlh khi asi.
NATO nih cun Belgrade rili tang lawng ah hin, tih a nung mi Poseidon 6-10 hrawng an phur tiah theih asi, pakhat ah hin New York le Los Angeles bantuk khuapi hna cu, radioactive tsunami hmang in an chiatter khawh khi asi ati, Italian daily news La Repubblica nih cun mah bia hi arak tar langter fawn cang khi asi, NATO nih member ram hna sin ah Russia Belgrade rili tang lawng K-329 nih cun a umnak base achuah tak cang kong atheihter cawlh.
Russia sin zong ah ralrinnak pek cawlh in an theihter ve cawlh fawn cang, atu tan NATO pawl zong Putin cawlnak kong ah an lung adam ve kho bak ti lo, A vawi khatnak caah NATO headquarters nih an member ram hna sin ah, a thlithup in Information a pek cang tiah chim asi, NATO intelligence-hna nih cun Russia K-329 Belgrad rili tang lawng nih hin, a umnak base a chuahtak cang nak suimilam zei zat arau cang ati.
Arctic hrawng rilipi tang ah a um lio tiah theih asi fawn cang, A sinak taktak ah cun rili tang lawng hi, Poseidon super torpedo test nak ah activate a sic ang khi asi, Member ram hna sin ah bia thli a kuatnak ah, NATO nih Poseidon missile nih hin rilipi tang ah, umnak ding hmun hma ah a um lio cang, kilometre 10,000 tiang a tli khawh tiah an chim, Poseidon missile nih hin thil a chiatter khawh ning cu, Tipi kam ah radioactive nih cun tsunami a tuah khawh, pin ah vawlei ram Tipi kam ah um mi khuapi hna hi a kehter khawh dih pin ah rili chung ah atlak ter khawh fawn tiah an ti.
Italy ram ah La Repubblica nih NATO-nih Poseidon kong ah warning a pek nak kong achim tiah tar la nasi, Belgrad rili tang lawng nih hin, Poseidon missile 6-10 hrawng tiang a ngei khi asi, Poseidon hi atu dirhmun ah cun nuclear warhead tel lo in kahchuah a si lai zumh asi, chiatnak faktuk in aphan ter khawh asi zong ah, US acoyah nih cun Russia-nih Poseidon a kahchuah ning, zoh peng ding in satellite network cu activate ter peng asi kong tarlan asi fawn, Poseidon missile kah chuah ruang ah boruak lum/lin ning cu, satellite hmang in theih khawh asi.
Sihmanhselaw mah hlan te ah hi missile hna hi rili tang ah, khawika adah akal lai? Timi hi theih khawh asi lo, Russia President Putin hi an thil tuah ning hi Analysts mithiam hna chim ning in thil hi akalpi deuh peng tiah atu tiang an cawl cang mi ah alang ko tiah an ti, atu hnu zong ah hin Nuclear weapons hi ahman lai lo tiah aho hmanh nih an chim kho lo caah, zeitik can ah maw ahman hrimhrim lai tiah an zumh hna khi asi, an hman taktak sual ah cun chim her bak lo in ralpi III nak hramthawh asi cawlh lo hmanh ah, Nuclear war cu aphan hrimhrim lai timi hi mithiam hna tuak tan ning asi.
xxx