Foreign Diplomacy ah an sung, hriamnam lei zong ah an sung, ralkap lei zong tampi an sung cang zei dah aruang timi Analysts hna nih fiangte in an chim mi cu,

Russia nih ni 6 chung Ukraine ram an thuat hnu ah vawikhat nak ah minung thi tambik cem can asi, military base, Okhtyrka, Kharkiv pawng eastern Ukraine ah Russia bomb lian hriamnam an hman ruang ah, minung 70 nak tam an thi khi asi, Dmytro Zhyvytskyy ┬áSumy regional administration nih thlan 70 hrawng ah phum/vui nak an tuah piak khi asi, Russian oligarchs hna hmanh nih Vladmir Putin Ukraine invasion cu top cangse tihi an duh ngai ngai cang, Evgeny Lebedev nih Evening Standard newspaper hmang in Vladimir Putin idohnak top ter ding in nawl asi, Media mogul Russian oligarch chung ah 3 nak, Ukraine invasion top ter ding ah nawltu nih hin, “Russian ralkap kum tling lo hna thihnak lam ah kal ter ti lo ding in an nawl fawn.

Zelinsky nih Ukraine nih Russia anrak thuat ve nak ah hman ding in hriamnam an herh deuh mi hna cu, Shopping List, UK PM Johnson sin ah an hal mi hna cu Boris nih hin kuat cawlh asi lai tiah ati, UK nih hin Ukraine sin ah 2,000 Next Generation Light Anti-tank Weapons (NLAW) an pek cang hna, Boris nih hin Poland Russia ramri pawng ah UK ralkap um mi hna cu an va tlawng laik hi asi, Zelinsky Weapons Shopping list hi media ei ah an langhter lo nain, UK nih hin hriamnam akuat mi hi atam bak ko cang pin ah adang kuat chih peng an tim rih tiah No10 nih an chim, Ukraine’s Defense Ministry nih cun Russia ralkap 5,300 leng, vanlawng 29 planes, 29 helicopters le 151 tanks an sung cang khi asi, Ukraine ah cun 352 civilians le ralkap 70 leng he minung 400 leng an sung ve cang tiah theih asi,UN summit ah Foreign Secretary Liz Truss nih “Vladmir Putin kut ah Ukrainians sualnak ngei lo mi hna thisen a kai” tiin achim, Russia’s foreign minister Sergei Lavrov belte cu UN Convention ah hin bia achim lio ah bia ngai piak duh lo in an chuak dih, ram hme tlawmte long nih bia an ngai piak tiah ati.

Russia tlamtling lo nak le US tlamtling nak cu, NATO pawl an thawng ngai ngai mi hi ahram thawh bik ah, Russia thin derthawng nak petu khi asi, Soviet Union an ithekdarh hnu ah European Union bantuk hna hi, Russia hruainak Soviet ram tang ah um tawn mi hna kha asi tik ah, Putin lungthin afaknak zong asi tiah Political Analyst hna hmuh ning asi, Commonwealth of Independent States (CIS) tiah an ti, vawlei ram dang hna zong tel khawh asi, Russia hi diplomacy ah an sang tuk lo timi hi a fiang ngai ngai fawn khi asi, CIS ah tel ram hna an lung anuam lo ngai ngai nak zong asi, ram lian bik Russia nih hin an mah lei tang ding ah hin an thiam lo ngai ngai khi asi fawn, Russia hi diplomacy ah cun an fail ve bak mi asi, Soviet ram sitawn cang mi zong nih an chuah tak peng ve fawn khi asi, Agreement 1000 leng an sign nain, 90% hi an kalpi ning tlam atling lo khi asi.

Mahr uang ah cun Russia nih hin sumdawntinak lei ah iremhnak an buar ruang ah hin, Ukraine le ramdang cheu khat hna nih sumdawnnak lei ah thlanglei ram hna sin ah a mer tak khi asi, Defence lei ah NATO bantuk in thawnter zong an timh ve khi asi, Common Air Force tiang ngeih an tim nak zong asi, Russia ram lian biktu kha arak thawng lo ngai ngai kha asi, Russia kha sumdawnnak lei ah thazang an ngeih lo ruang ah mi dang tampi hna cu an withdraw dih hna kha asi, A hramthawhnak ah member ram 12 ngei CIS cu vawlei nih an theih tuk lem lo khi asi, atu ah cun NATO ah member si duh anrak um peng caah an thawng deuh deuh fawn khi asi, mah bantuk in Soviet Union atlukchiat hnu ah an dir hmu cu asi, US le Europe democracy ram hna diplomacy ah an sang ngai ngai khi arak si, thlanglei ram NATO ah an mer dih khi asi, Russia caah cun ahim lo ngai ngai kha asi ve cang, ataktak ah cun amh thiam lo dih khi asi ko.

Atu idohnak zong hi ahramthawh kan chim cang bang in Russia nak in NATO pawl chung ah Ukraine zong hi member fek asi sual lai timi hi an phan tuk ruang ah asi deuh ko,”Ram kip hi mah tein nuamtein um ko hna u sih tiah Russia nih ati mi hi adik cem zong asi lo, Russia zong nih hin an ram pawngkam ah um mi hna cu tha tein an mah lei ah an tanter khawh ko nain, mah batuk riantuan kha an foreign diplomacy an ngeih lo ruang ah atu ah cun an thazang ngeih mi hi ader thawnnak zong asi ko timi hi fiang ngai in alang ko cang, cu ticun “Survival of the fittest” timi hi vawlei ah tlamtling mi asi timi hi atu ah cun Russia zong nih fiang ngai in ahmuh ko, nain atu tan an dirhmun ah cun thil tha lo hman hi alung ah a um kho men??

BBC News